Gustong pakurihian ang birth certificate

Dear Atty. Divine,

Dunay koy gustong ipausab sa akong Birth Ceftificate specifically  sa akong surname kay ipatangtang nako ang Jr., asa man ko moduol? Pilay bayad niini ug unsa may requirements ug gidugayon sa pag-process niini? Daghang salamat. —Valentin

Dear Valentin,

Adto ka modangop sa Local Civil Registrar diin ka narehistro alang sa correction sa imong Birth Certificate. Dunay correction sa entry sa birth certificate nga pwede rang buhaton administratively og ang Civil Registrar ra ang mo-process  niini. Apan duna say correction sa birth certificate nga ang Korte ra ang makahimo sama sa pag-usab sa apelyido, pag-correct sa year of birth, pag-cancel sa ubang entries ug pag-correct sa nationality. Sa imo nga kaso, imong ipatangtang ang Jr., mas maayo nga moadto ka sa Local Civil Registrar ug imong ikonsulta kanila kun pwede ba kini mahimo administratively. Mangayo sab ka nila sa list of requirements ug mao kini imong i-comply ug mangutana sab ka nila kun pilay bayad  ug kun unsay gidugayon sa pag-process niini. Apan kun pananglit magkinahanglan gyud og Court process ang correction sa imong surname then moadto gyud ka og abogado aron ma-file ang imong Petition sa Korte. Thanks and God bless. —Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.