Kaabag sa katilingban

Gawas nga makaangkon og trabaho, makaabag pa sa adbokasiya sa gobiyerno sa pagsumpo sa problema sama sa COVID-19 ang giumol karon sa Cebu City Police Office nga Task Force KASALIGAN o Kaluwasan sa mga Amigo Cops ug Sugboanon Ang gusto sa atong Liderato nga Ipatuman Gumikan sa hulga covid Alang Natong tanon.

Kini ang nagpaabot sa mga nangita og trabaho karon kinsa maoy gikinahanglan sa CCPO nga mahimo nilang kaabag sulod sa pipila ka buwan. Sweldohan sila og P9,620 matag bulan, apan gikinahanglan nga mohaum ang ilang qualification sa tahas nga isangon sa mga gikinahanglan sa trabaho.

Ma-advantage ang adunay criminology background ilabi na nga sensitibo usab ang proseso nga ilang sundon nga pinasubay sa gimbut-an sa balaod.

Alang sa mga mo-apply sa trabaho mamahimo ninyong kining stepping stone o ang ang nga basin mamahimo kamong tinuod nga sakop sa Philippine National Police.

Kutob lang unta karong petsa 30 ang deadline sa application apan imposibleng mahuman sa pag-process ang mga aplikante sa gitakdang petsa busa giuswag og usa ka semana ang pagpanawat og applicaition.

200 ka mga personnel ang gikinahanglan nga molangkob sa Task force Kasaligan busa duna pay kahigayonan kadtong gustong mahimong kabahin niini.

Ang naasoy’ng programa isip pagpangdam usab sa posibleng pag paubos na sa dakbayan sa Sugbo sa mas ubos nga quarantine protocol ngadto sa MGCQ sanglit kuhaon naman sa ubang mga unit ang mga pulis nga gi-augment sa dakbayan. Giklaro hinuon sa director sa kapolisan sa dakbayan sa Sugbo nga giyahan sila kanunay sa mga pulis sa higayon nga mohimo na sila sa ilang function.

Dako kini og matabang sa syudad sa pagmintinar sa atong sitwasyon ilabi na nga midyo nakabangon na ang dakbayan gikan sa hilabihan ka taas nga kaso sa virus.

Ang kapolisan ug ang  Task Force sa pakig alayon sa katilingban maoy usa sa yawe unya sa kalamposan sa gipangindahay sa syudad mga mapukan ang kagaw.

Lisod man sa pagkakaron apan kaya ra kon magkahiusa ang tanan.