Wa na mo day off ang yaya
Dear Atty. Divine,
Dunay koy pangutana labot sa day off sa akong yaya. Kaniadto man gud sa wa pay Covid, mo day off gyud ni siya matag Domingo.
Apan karon nga di na pwede magsuroysuroy tungod sa virus di na siya makagawas ug nagkasabot nalang mi nga di sa siya mo day off karong panahona ug ako nalang sab siyang gi swelduhan og apil sa adlaw’ng Domingo kay manglaba, manglimpyo ug magluto man siya.
Ang akong pangutana kun wa ba koy nahimong kalapasan sa balaod nga di na man maka day off ang akong yaya? Daghang salamat.
Gina
* * *
Dear Gina,
As a general rule, ang mga trabahante entitled og day off kausa sa usa ka semana lakip na ang mga domestic helper. Basi sa Republic Act 10361 or Domestic Workers Act kini nagkanayon nga ang mga domestic helper eligible to at least 24 consecutive hours of rest day in a week.
Apan mamahimo sab nga ilang i-waive ang maong day off basi sa Section 21, paragraph b sa maong balaod provided nga dunay kasabutan in writing ang employer ug ang domestic worker ug giswelduhan sab ang trabante nga equivalent sa iyang daily rate.
Busa kun nagsabot mo sa yaya nga iyang i-waive ang iyang day off bugti sa sweldo niya sa maong adlaw mamahimo ra basta magpinirmahay mo og kasabutan kalabot niini. Thanks and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagibsa akong column matag Miyerkules, Sabado ug Domingo.
- Latest