Halandumong higayon

Dunay kauban namo sa buhat nga nagsaulog sa iyang adlawng natawhan dili pa lang dugay.

Ang maong kasaulogan maoy naghatud niya matud pa sa edad sa legalidad sa laktod gisaulog niya ang iyang debut. Siya si Debutante Lyka.

Gwapa ning bataa ug maayong mokanta. Buotan ug kasaligan. Labaw sa tanan mahadlukon sa Dios.

Bisan pa man kun wala ana ang iyang amahan kay nipanaw naman kini sa laing kalibutan apan pabilin gihapon kining bataa nga maalagaron sa simbahan.

Ang iyang kamanggihatagon sa kaugalingon dako na kaayo og kahimoan aron iyang madasig ang uban.

Busa angay ug matarong lamang nga himoong halandumon ang maong adlaw sa kasumaran sa iyang pagkahimugso.

Alang sa mga babaye mahinungdanon kaayo ang debut. Matag babaye ang buot mosinati niini.

Rite of passage kini nga gikan sa pagkabata padung na siya sa pagkadalaga.

Ug alang sa mga babaye bililhon kaayo kining maong proseso as if alang nila nakasinati sila og semi independence gikan sa mga paghukngay sa ilang mga ginikanan ingon man sa mga significant others nga nagpalibot kanila.

They want to break free matud pa.

Apan nindot kaayo ang pahimangno sa mga nihatag sa ilang mensahe ngadto niya nga dili gyud maayong magdali labina kun maghisgot kita og kaminyoon.

Mas maayo gyud nga dili magdali dali bisan sa tanan natong pagahimoon labina kun maghisgot na kita og mga desisyon sa atong kinabuhi.

Kay lagi ang kinabuhi dili man rush sale ang kinabuhi usa ka proseso nga angayang himoon matag adlaw. Kabahin sa pagpili ang kaandam nga mohangop sa sakripisyo.

Human sa maong kasaulogan nisulod ko sa akong kwarto ug samtang padulong kong matulog nibathay ang kalipay nga sa ginagmay nga paagi nakatabang kita sa uban kay sayud man ako nga ako mismo moagi usab sa rite of passage nga mahimong masinati sa kadaghanan nga nahiuna kanato ug kana ang kamatayon.

We only live once and we shall never pass this way again.

Alang  kang Lyka the journey has just begun!