Unsay buhaton sa Pinay nga gi-divorce sa Amerikano

Dear Atty. Divine:

Ang akong husband nakakuha og Divorce Decree sa US kay American citizen man siya. Nagminyo na gani siya og usab. Wa mi anak attorney ug 10 years ming kasal. Karon naa na sad koy live-in partner nga foreigner ug gusto unta ming magpakasal. Ang akong pangutana kun pwede na ba kong magpakasal og usab after ko gi-divorce sa akong bana? Daghang salamat.

Gina

* * *

Hi Gina:

Dili pa ka pwedeng magminyo bisan pa kun duna nay Divorce Decree ang imong kanhi bana kay kinahanglan pa nimo kining ipa-recognized sa atong korte. Ang atong Family Code nagkanayon nga kun ang Filipino citizen maminyo og foreigner ug unya makakuha og divorce decree ang foreigner sa iyang nasud, then ang Filipino spouse mamahimo na usab nga makaminyo.

Apan dili kini automatic kay kinahanglan pang mo file og Petition for Recognition of Divorce Decree ang Filipina sa korte sa Pilipinas ug kun ma-recognized na ang Divorce Decree una pa siya pwedeng makaminyo pag-usab. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.