Taas nga interest sa utang
Dear Atty. Divine,
Ang akong igsuon miprenda sa ilang yuta ngadto sa lending company. Ang iyang gihuwam P100,000 payable for 2 years.
Apan duna kini interest nga 10% per month. Nasakit ang akong igsuon so nahunong siya sa pagtrabaho ug wa niya mabayri ang lending sa binuwan niini nga bayranan. Karon naningil na ang lending og gipadad-an na siya og demand letter og ang iyang utang miabot na og kapin sa P300,000.
Gusto unta namo nga lukaton ang yuta og tabangan among igsuon apan sobra na sab kadako ang gipatong nga interest, unsay angayan namo nga buhaton? Daghang salamat.
Gino
* * *
Dear Gino,
Mas maayo nga inyong basahon ang Real Estate Mortgage or whatever document nga gipirmahan sa imong igsuon uban sa lending company nga iyang giutangan ug inyong sutaon kon nalatid ba didto ang interest nga 10% per month.
Basi sa balaod kon way pinirmahan ang nangutang labot sa interest niini then way legal basis nga makapahamtang ang lending sa maong interest per month.
Apan kon naa siyay gipirmahan mas maayo nga makig-negotiate mo sa lending og hangyoon for a lower interest aron mabayran ninyo ang maong utang. Thanks and God bless.
Atty. Divine
* * *
Alang sa inyong pangutana, palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest