NPA leader, 3 pa, timbog sa Negros Occ.!

Ilang araw matapos lagdaan ni President Digong ang anti-terror bill, apat na miyembro ng New People’s Army (NPA) ang naaresto ng pinagsamang lakas ng militar at kapulisan sa Negros Occidental. Habang mainit na nagdedebate ang kampo ni Digong at ang opposition tungkol sa naturang batas tahimik namang nagsasagawa ng operation ang AFP at PNP at nasukol sina Emmylo Cañares, alyas Drey, Maulyn, Cid, Ann at Catt, 38; Raffy Patajo alyas Paolo, 21; Relyn Moreno, alyas Sam, 22, at George Buga-ay, alyas Samantha, 42.

Si Cañares, na dating finance officer ng Bohol Party Committee, ay may kasong murder sa sala ni Judge Jennifer Chavez-Marcos, ng Bohol RTC. Siya ang umaaktong secretary ng Cebu Party Committee at ng Regional Communications KR-NCBS, ayon kay NCRPO chief Maj. Gen. Debold Sinas. Nakumpiska sa kanila ang apat na granada, isang .38 revolver, isang kalibre .45, cash, assorted cell phones, chargers at subversive documents. Dipugaaaa!

Ang pagkaaresto kay Cañares at mga kasama ay dahil sa COPLAN HOBA, na inumpisahan ni Sinas noong hepe pa siya ng Central Visayas police. Naihabilin ito ni Sinas sa pumalit sa kanya na si Brig. Gen. Albert Ignatius Ferro at Brig. Gen. Rene Pamusmusan, ng Western Visayas police.

Kaya nang magsagawa ng raid sa kuta nina Cañares sa Kabankalan, Negros  Occidental, kasama ang ISAFP, intelligence ng NCRPO at Western Visayas police, CIDG, at local police. Ang team leader ng raiders ay si 2Lt. John Baculan ng Philippine Army (PA). Dipugaaaa! Kumpletos-rekados ang tropa ng militar at pulis na ibig sabihin «big fish» si Cañares.

Sinabi ni NCRPO intelligence chief Col. Remus Medina na si Cañares at tropa niya ang nasa likod ng mga NPA atrocities sa Bohol, Cebu at Negros Occidental. Si Medina mga kosa ang intel chief din ni Sinas sa Central Visayas police kaya alam niya ang mga lakad ni Cañares.. Kung hindi man nahuhuli, marami na sa mga NPA ang bumabalik sa hanay ng gobyerno. Abangan!