Gi-end of contract sa kompaniya ang empliyado atol sa ECQ

Dear Atty. Divine,

Kining akong suliran kabahin kini sa akong employer nga gi-End of Contract ko niadtong pagsugod sa ECQ. Almost nine months nako sa serbisyo isip usa ka Cashier/Pharmacy Assistant sa among kompaniya maong wala ko magdahum nga ma-end of contract ko sa company. Hinuon, wala pa sila makapapirma nako og kasulatan sa regularization apan naay nakasulti nako nga “Literally Regular” na gyud kuno ko bisan mangutana pa daw kuno ko sa DOLE. Then, last week nakadawat ko og chat message sa among HR nga naana daw akong 13th month pay then naa sad daw kuno silay papirmahan nako nga quit claim. Attorney, mangayo ko og advice nimo kung unsay angayan nakong buhaton? Angayan ba nga mopirma ko sa quit claim,? Please attorney, tudloi ko sa maayong buhaton kay naglibog ko. Daghang Salamat.

Des

* * *

Dear Des,

Duna ka bay gipirmahan nga kontrata sa imong employer nga nagtakda sa pag-end sa imong employment? Kay kun wa moy gipirmahan nga kontrata unya nakatrabaho na ka sud sa siyam ka buwan, dili mahimo nga ilang putlon ang imong contract unilaterally kay basi sa atong balaod, whether you are regular or casual employee, mamahimo lang ikaw nga mataktak sa trabaho kun aduna legal nga basihanan ug dapat aduna due process ang pagtaktak sa employee. Hinuon, kon duna kay gipirmahan nga kontrata nga nagtakda sa petsa pagtapos sa imong employment ug nakapirma ka niini then you have to respect the contract that you signed kay sa pagsugod pa lang nasayud na man ka nga kutob ra ka sa maong petsa. Apan kun kalit-kalit ang gihimo sa imong employer unya panahon pa gyud sa ECQ ka gitaktak then mamahimo ka nga mopasaka og reklamo ngadto sa DOLE batok sa imong company aron ang DOLE na ang mopatawag sa imong employer. Makadaghan na na gipahibawo sa DOLE nga wa nay ENDO or end of contract karon ilabi na sa imong kaso nga siyam ka buwan na ka nga nagtrabaho. Mas maayo nga di ka mopirma sa waiver and quit claim ug imong idangop sa DOLE ang imong problema aron ila kang matabangan. Thanks and God Bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.