Dunay property nga napalit atol sa unang kaminyoon

Dear Atty. Divine,

Ang akong igsuon naminyo niadtong 2008. Duna silay duha ka anak apan niadtong 2015 namatay ang iyang bana human nasakit. Adunay house and lot nga napalit ang akong igsuon ug ang iyang bana ug nakapangan kini nilang duha. Hangtud karon wa pa ma-transfer  ang maong property ngadto sa iyang pangan ug sa mga bata. Apan last year naminyo pag-usab ang akong igsuon. Unsay mahitabo sa property niya sa previous marriage? Aduna bay katungod unya ang iyang second husband sa maong property? Daghang salamat. —Megan

Dear Megan,

Basi sa balaod kun ma-terminated gani ang marriage tungod sa pagkamatay sa kapikas, ang property  sa magtiayon dapat i-liquidate. Kun mapakyas sa pag-settle sa estate sa namatay ang kapikas nga nahibilin  sud sa unom ka buwan ug dayon  nagminyo siya pag-usab, ang property relations nga mo- govern sa iyang ikaduhang kaminyuon automatic mao ang complete separation of property basi sa Article 103 of the Family Code. Kini aron maprotektahan ang property sa namatay ug dili maapil sa property ubos sa second marriage. Busa sa kaso sa imong igsuon magpabilin nga separate property ang iyang house and lot nga iyang napalit atol sa iyang unang kaminyuon nga dapat unta niyang bahinon uban sa iyang mga anak ug way katungod niini ang iyang ikaduhang bana. Thanks and God bless. —Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.