Gustong moreklamo batok sa lending company
Dear Atty. Divine,
Ang akong sister nangutang sa usa ka lending company nga nag offer og pautang online. Adunay interest nga 5% per month ang iyang utang ug tungod sa lockdown wa siya nakabayad sa iyang monthly dues sud na sa tulo ka buwan. Karon gitawgan siya sa lending company ug gihulga nga tawgan iyang mga kaila ug pamilya aron maoy paninglan kun di siya makabayad.
Tungod niini, nagplano akong sister sa pagpasaka og reklamo batok sa maong lending company. Ang akong pangutana kun asa mopasaka og reklamo akong sister? Daghang salamat.
Jessa
* * *
Dear Jessa,
Basi sa Lending Company Regulation Act of 2007, ang Securities and Exchange Commission kon SEC maoy mag-regulate sa mga lending company sa nasud gawas lang niadtong mga lending company nga subsidiaries or affiliates sa mga bangko kay ang mag-regulate kanila mao man ang Bangko Sentral ng Pilipinas (BSP). Sa kaso sa imong igsuon kon dili affiliate sa bank ang lending company nga iyang giutangan og kwarta then adto siya mopasaka og reklamo batok niini sa SEC. Sa pagkakaron, di gyud kapugos ang lending company sa pagpabayad sa utang kay basi sa Heal as One Act, di man sila makapaningil panahon sa gipatumang ECQ busa dapat di nila pugson imong sister sa pagbayad sa utang karong panahona. Thanks and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest