Ang mga anghel ug ang kapolisan
Taliwala sa kadaut nga namugna sa pandemya aduna pa gihapoy mitumaw nga kaayohan gikan sa kasing sa mga tawo nga nagpakabana.
Sama nalang sa gihimo sa kapolisan, ang programa nila nga pagsagop sa mga pamilya nga naglisod kay naapektohan sa krisis karon.
Sa lungsod sa Asturias adunay lima ka mga bata nga kansang inahan milayas ug ang amahan naa sa prisohan kay nalambigit sa illegal drugs.
Gisagop sila karon sa kapolisan nga maoy nagsilbeng ilang ginikanan nga maoy nagpatukod og balay sa mga bata nga kanhi nagpuyo lang sa balay nga murag pinoy-anan sa pati.
Niadtong Sabado nahuman ang balay nga simple apan desenting kapuy-an sa mga bata kansang apohan lang ang nag atiman.
Ang programa nga Kapwa ko Sagot ko, matud ni Police Col. Roderick Mariano, pangulo sa Cebu Provincial Police Office nagpakita sa pagpakabana sa kapolisan ngadto sa katawhan.
Dili lang kutob sa paghatag og balay kon dili apilon ang ilang edukasyon kay paeskwelahon man ang mga bata hangtud sa ilang pagtapos.
Ang gigamit sa mga pulis nga kwarta gikan sa kaugalingon nilang bulsa nga gitampo tampo aron matukod ang pinoy-anan sa mga anghel.
Ang pamilya sa mga bata apil sa otso mil ka pamilya nga natabangan sa kapolisan sa lalawigan sa Sugbo.
Dunay may mga mitumaw nga pagsaway ang kapolisan apan sa ingon niini nga sitwasyon makita ang ilang ka sensiro nga angayan daygon.
Hello
Bisan og nabutang sa peligro ang ilang kinabuhi isip front liner pero wala sila matarog ug nagpadayon sa panerbisyo nga sobra pa sa expectation.
Sa panahon karon angayan pasalamatan usab ang mga men and women in uniform nga walay kakapoy sa pag alagad sa katawhan bisan og nangahulogan pa sa ilang kinahuhi.
Sama sa ilang pagsagop sa mga anghel sa Asturias, apan ang tinuod mao nga ang mga pulis maoy nagsilbeng anghel sa mga bata.
- Latest