Umutot pwede, umubo bawal

Nabigatan daw sila sa dalawang artikulo ko nu’ng nakaraang linggo tungkol sa nabalam na edukasyon at karalitaan, anang ilang mambabasa. O sige, joke time muna: Mga naipon ko nu’ng kasagsagan ng lockdown:

• Kabo: Bakit po K9 ang tawag sa malalaking aso, sir?

Supt.: Syempre ‘pag tinawag mo silang K10, hindi na sila aso.

Kabo: Ano na sila, sir?

Supt.: Maliit na pusa.

• Doc: Iha, mukhangpumapayat ka at hinang-hina pa. Sinunod mo ba advice ko na 3 meals a day?

Girl: Diyos ko! 3 meals a day ba? Akala ko 3 males a day eh!

• May nagpapa-translate sa akin ng signage sa Tagalog: “Emergency Exit”. Ang sabi ko, “madaling labasan...? Parang bastos ‘ata.

• Tip for long life: ‘Wag mo isusulat name mo sa condolence book ‘pag dumalaw ka sa patay. Kasi pagtapos ng libing nagkakaron ng raffle kung sino’ng susunod.

• Guro: Pedro, late ka na naman.

Pedro: Late po kasi relo ko.

Guro: Problema ba ‘yun. E ‘di i-advance mo.

Pedro: Sige po. Aalis na po ako.

Guro: Saan kapupunta?

Boy: Uwian na po!

• Mrs.: Kung alam ko lang ‘di sana ako nagpakasal sa iyo! ABS ka!

Mr.: Anong ABS?

Mrs.: Alak, Babae, Sugal.

Mr.: Ikaw CBN!

Mrs.: CBN?

Mr.: Chismosa, Bungangera, Nagger!

• Dalawang lalaki ang sabay nag-jogging:

Guy 1: Pre, doctor ako. Kaya ako tumatakbo kasi health conscious ako! Ikaw, pre?

Guy 2: Snatcher, pre! Wealth conscious ako.

• Bakit binaril ng bobo ang girlfriend niya? Kasi sinubukan niya kung totoong first love never dies.

• Binago ng COVID-19 ang buhay natin. Nu’ng bata ako kung may lagnat, nanay ko lang ang nag-aalala; ngayon buong barangay na. Ngayon mas mabuting umutot sa publiko kaysa umubo. Dati umiiwas tayo sa tao na negatibo; ngayon umiiwas tayo sa positibo. Dati naka-mask huli ng pulis; ngayon pulis ang naka-mask, huli ang hindi.