EDITORYAL - Asa napunta ang pundo?

Dako ang pagsalig sa Malacañang nga matubag tanan sa Department of Health ilabi nan i Kalihim Francisco Duque III ang imbestigasyon sa Ombudsman bahin sa paggasto sa pundo para sa COVID-19 pandemic. Si Ombudsman Samuel Marites gikatakdang mopagawas og subpoena dili lang kang Duque ug opisyales sa DOH kondili apil na sa kadagkoan sa Department of Budget and Management ilabi na ni Kalihim Wendel Avisado.

Apan ang Ombudsman miingon nga inisyal palang nilang pagpangutana sa maong mga ahensya sa wala pa ang lockdown niadtong Marso 15, gipasa-pasa sila sa mga DOH officials ngadto sa ubang departamento ug opisina. Nganon kaha?

Kung klaro ug limpyo nga way trampas nga gisunod ang proseso sa pagpalit og mga gamit para sa pandemiya, nganong dili man katubag ang mga unang napangutana?

Dili ba mas maayong mahibaw-an kini sa publiko? Sa pagkakaron duna nay pipila nga nagduhaduha kabahin sa mga balita sa COVID-19 tungod kay daghan na kanila ang nakulban karon og kaldero tungod sa mga lockdowns. Daan ng gisaway ang DOH sayo pa niining pagsugod sa pandemiya tungod sa hinay kaayo niining aksyon aron kapugngan ang pagkuyanap niini.

Karon apil sa gustong imbestigahon sa Ombudsman ang giingong kalangay sa maong ahensya pagpalit sa mga gikinahanglan kaayong mga Personal] Protective Equipment ug mga medial gears alang sa healthcare workers.

Gipasanginlan sab ang ahensya nga tungod sa ilang mga lapso ug iregularidad nikatap og maayo ang virus ug mao sab anga nakaingon nga daghang medical frontliners ang nataptan ug nangamatay.

Apil sab sa subayon ang giingong wala niini aksyon pagpagawas ug pagproseso sa pundo alang sa mga healthcare workers nga grabeng natakboyan ug kadtong mga nangamaay tungod sa maong sakit.  Ingon man ang makalibog nga mga impormasyon ug datos gikan sa ilang ahensya bahin sa gidaghanon sa mga nangamatay ug kadtong mga kompirmadong mga kaso.

Kung gusto sa Malacañang nga masigurong wa nausik ang salapi sa katawhan paggamit batok sa pandemiya, mas maayo tingaling mopagawas og higpit nga kamandoan ang pangulo aning mga ahensyaha pagkooperar sa imbestigasyon sa Ombudsman.