Bakit ka naman bibigyan ng P5,000-P8,000 kung...

JOKE time, para sa mga nanggigigil dahil hindi binigyan ng P5,000-P8,000 ng DSWD. Sinala nila ang mga tatanggap, batay sa ilang panuntunan. At natuklasan, palibhasa mabuti, na: (1) may aircon ka; (2) naka-postpaid ka; (3) may TV Plus ka; (4) may WiFi ka; (5) flatscreen ang TV mo; (6) may subscription ka sa Netflix o ETC; (7) may placemat kayo sa lamesa; (8) may bidet kayo sa toilet; (9) naiikot ang gripo sa lababo mo; (10) nag ii-Starbucks ka; (11) ginagawa mong tubig ang milk tea; (12) Joy ang brand ng dishwashing liquid mo; (13) Gardenia ang brand ng tinapay mo; (14) Downy brand ang fabcon mo; (15) Purefoods ang hotdog na binibili mo; (16) Alfonso ang iniinom mong alak; (17) sa bahay may stock ka ng palaman; (18) spaghetti ang handa mo at ‘di pansit pag b-day; (19) chicken ang tawag mo sa ulam at ‘di manok; (20) Coke iniinom mo at ‘di RC; (21) ‘di mo na hinahati ang Kojic soap sa tatlo; (22) nakakakain ka sa fastfood na hindi inuuwi ang ketchup... Isa lang diyan, disqualified ka; certified middle class ka na.

Sagutan ng posts sa website: “Hoy, DOLE, nasaan 10k ayuda para sa aming OFW? Puro kayo kurakot! Wala na kaming makain!”

“Good day po. Sorry, wala po kaming programang ganyan.”

“Mga p---, wag nyo kurakutin ang pera na para sa amin. Marami kaming nag-apply ng assistance, hanggang ngayon wala pang release.”

“Saan po ba ninyo isinumite ang applications ninyo? Sa Pinyahan po ba o sa Sagingan?”

“May gana pa kayo makipag-biruan, mga mangungurakot. Ire-report namin kayo sa tanggapan ng presidente. Wala kayong kuwenta.”

“Kami po ay isang goods production company na may website na https://www.dole.com. Marahil tinutukoy po ninyong sangay ng gobyerno ay ‘yung https://www.dole.gov.ph; sakop nila ang labor at employment.”

“Ay ganun po ba? Salamat...”

“Btw, try our quality products, gaya ng pineapples and bananas....”