Tulong ng PCSO

PATULOY ang pagtulong ng Philippine Charity Sweepstakes Office (PCSO) sa mga sangay ng pamahalaan, local government units at mga mahihirap na apektado ng COVID-19. Umabot na sa P3 bilyon ang ipinalabas ni PCSO General Manager Royina Garma para pondohan ang PhilHealth, Malasakit Center, mga ospital at mga mahihirap na maysakit. Malinaw na naibabalik sa mga mahihirap ang nalilikom na porsiyento sa mga palaro tulad ng Small Town Lottery, Lotto, Keno, Sweepstakes at Scratch-it.

Inihayag din ni Garma na aprubado na ang P33,811,163 na medical assistance para sa 4,328 na mahihirap na kababayan. Ang Medical Access Program (MAP) mas kilala noon na Individual Medical Assistance Program (IMAP) ay dinisenyo upang tumulong sa mga mahihirap para sa hospital confinement, chemotherapy, dialysis at post-transplant medicines. Ayon pa kay Garma, dahil sa COVID-19 crisis, ang ahensya ng PCSO ay gumawa ng  mga hakbang para maipagpatuloy ang pagbibigay ng ayuda sa mas nanga-ngailangan nating mahihirap na kababayan. “Rest assured that the agency will find ways to meet the medical and health-related needs of all Filipinos, especially the margina-lized”. Ayon pa kay Garma, may P18.7 milyon pang financial assistance na mabibiyayaan nito ay ang  6,241 tauhan ng lotto at keno. Mula nang suspendehin ang operasyon ng lotto at keno dahil sa COVID-19 nawalan ang mga ito ng hanapbuhay. “That’s why, as our partners in raising reve­nues, we also have to look after their welfare during this global pandemic,” sabi ni Garma.

Inatasan niya ang branch managers at mga opisyales ng PCSO na apurahin ang pagproseso para maipamahagi ang tulong. Ang tulong ay aprubado ng PCSO Board Resolution 109 s. 2020 na inaprubahan ng Office of the President. “The assistance aims to augment and subsidize the needs of these agents and to lessen the burden of stress and anxiety during this difficult time of public quarantine. The agency, adhering and complying to the Bayanihan to Heal as One Act, emphasizes and strengthens this auxiliary role especially in providing healthcare to Filipinos, bearing a part of the weight and augmenting government efforts in these strained and challenging times,” dagdag pa ni Garma.