Meralco magre-refund sa consumers
KUNG nakapagbayad na kayo ng electricity bills ng karagdagang Php 47 convenience fee sa paggamit ng Meralco online app, tiniyak ng Meralco na ito’y isasauli sa inyo. Marami kasi ang umaaray porke nagkapatong-patong na nga ang mga bills dahil sa lockdown na ipinatupad kaugnay ng COVID-19 pandemic, tapos mayroon pang ganyang singilin.
“Waived na ‘yan from the time of the ECQ, magmula March 16 hanggang May 15,” ani Meralco spokesperson Joe Zaldarriaga. Kaya yung mga nasingil sa nabanggit na panahon ay ire-refund, dugtong ni Zaldariaga. Aniya, iisa-isahin yung mga apektado para kahit naibayad na nila ‘yung P47, ay maibalik sa kanila.” Good news yan.
Kahit pinagpaliwanag ng Department of Energy (DOE) ang Meralco sa isyu ng charging sa mga consumer na nagbabayad online, agad namang inalis ng Meralco ang convenience fee at ipinasyang mag-refund sa mga nakapagbayad na.
Ayon naman kay Meralco President and CEO Atty. Ray Espinosa, kanila nang sasaluhin ang P47 convenience fee na siningil sa paggamit ng Meralco Online app. “I sincerely apologize for this lapse,” aniya. “Meralco will shoulder the convenience fee charged during the aforesaid ECQ period and refund to the customers the fees they paid during this period.”
Nilinaw din ng Meralco na ang convenience fee ay hindi naman napupunta sa kanila kundi sa Meralco Online third-party service provider. “I wish to assure you that we shall be more sensitive in the future and shall be ever mindful of the best interest and well-being of our customers,” dagdag ni Espinosa.
- Latest
