Mga pagtulon-an ni COVID-19
Ania ang mga pagtulon-an ni Covid-19 alang sa matag usa kanato. Mga pagtulon-an nga angayan natong paminawon ug hatagan og igong pagtagad diha sa atong kinabuhi. Ang Covid-19 nagtudlo kanato nga:
1. Mubo ra gyud ang kinabuhi. Bisan kun unsaon nato pag-atiman niini duna gihapon kini kinutoban. Kay mubo ra man gyud ang kinabuhi angayan lamang nga atong gamiton kini sa paagi nga makahuloganon. Kay walay kahulogan ang tanan kun nahimong naadto lang sa wala ang atong kinabuhi. Let us maximize our companionship matud pa.
2. Temporaryo ra gyud ang matag pangita. Sa akong tan-aw karong mga panahona, kinahanglanon kaayo ang mamahimong focus ra gyud sa pangita nga makatabang ug makahatag kanato og personal nga katagbawan.Dili paigo ang trabaho ingon nga tuboran sa atong pangwarta. Ang trabaho pagpadayag usab sa atong kaugalingon. Kay mag-unsa man tuod nga daghan ka og kwarta apan wala kay kalipay. Atong nakita nga karong mga panahona kadaghanan nato ang wala makabantay sa kadaut ning maong pandemonyo.
3. Bahandi ang kahimsog. Kay bahandi man kini angayan lamang nga ato kining panalipdan ug atong atimanon. Kay mag-unsa man tuod kun anaa na nimo ang tanan apan mahanaw na gikan nimo mismo ang imong bugtong bahandi nga mao ang maayong panlawas.
4. Pagtigom. Kadaghanan nato tungod kay hayahay man ang panahon mao nga nagpasagad na lang. Diha pa kita nakaamgo nga bililhon ang panudlanan ilabina kun maglaundok na usab ang atong panginahanglan ug galastohan. Samtang dunay mahimo kinahanglang magtigom gyud.
5. Sangpit sa Dios kay halayo Kaniya wala tay mahimo. (Jn. 15;5). Ang makanunayong pag-ampo ngadto sa Dios maoy maghatag nato og kadasig sa pagduol sa bugtong tuboran ug kahulogan sa atong kinabuhi. Bililhon ang Dios ug dili angay nga siya atong papason gikan sa atong kinabuh.
- Latest
