Kaso ni Sinas, tantanan na! – Eleazar

Bumaba ang morale ng kapulisan matapos ang pang-aalipusta at pang-iinsulto kay NCRPO chief Maj. Gen. Debold Sinas sa social media dahil sa “mañanita” sa kanyang kaarawan. Hindi biro ang trabaho ng ating mga pulis na “frontliners” din laban sa COVID at nakisimpatiya sila kay Sinas na binusog sila sa suporta habang nakipag­laban sa virus. Kaya nalulungkot ang mga pulis kapag tinatapakan ng netizens si Sinas. At minsan nagiging personal na ang tirada sa kanya at wala silang magawa para idepensa siya. Kahit mababa ang morale ng mga “frontliners”, subsob trabaho pa rin sila dahil ang kaso ni Sinas at 18 iba pa ay nasa korte na.

Kaya umapela si Lt. Gen. Guillermo Eleazar, Deputy Chief for Operations (DCO) ng PNP at hepe rin ng Joint Task Force COVID Shield sa netizens na tantanan na si Sinas at hayaang gumulong ang kaso nito sa korte.  At sa gayon, mailayo ang PNP organization at iba pang ahensiya ng gobyerno na nagpapatupad ng patakaran sa COVID sa pang-iinsulto habang nagpapatupad ng trabaho nila. “I am saddened that the incident that happened at Camp Bagong Diwa has already turned into misinterpretation and accusations that there is a double standard in the implementation of the ECQ Guidelines – which is absolutely unfair to our men and women on the ground who brave the scorching heat of the sun, who risk themselves to infection everyday and who make a sacrifice to be away from their family just to make sure that every Filipino is protected from COVID-19,” sabi ni Eleazar. “We hope that this controversy serves as reminder to all the public servants to exercise due diligence and sensitivity in every action they do and in every decision they make that are related to our fight against COVID.”

Sinabi naman ng Palasyo na stay put lang si Sinas habang nasa korte ang kanyang kaso. Nag-sorry na rin si Sinas sa “mañanita” niya subalit mukhang no epek ito sa netizens na mainit sa kanya. Abangan!