Dynamite fishing sa Pilar, Capiz, talamak!
GRABE ang dynamite fishing sa Pilar, Capiz kaya ang mga mangingisda roon ay wala nang nahuhuli sa karagatan. Dahil dito, tinatawagan ko si Pilar Mayor Perez na gumawa ng hakbang upang mapigilan ang dynamite fishing. Ipapakalat naman ni Capiz Provincial Police office chief Col. Julio Gustilo ang kapulisan upang mahuli ang mga gumagamit ng dinamita. Ngayong marami nang naghihirap dahil sa COVID-19, dapat putulin na ang masamang gawaing ito para sumagana ang isda.
Noong early 80’s naging fishing ground ang karagatan ng Pilar, Capiz. Dito nakukuha ang mga semilya ng bangus, sugpo at alimango na ipinupunla sa mga palaisdaan. Kaya ang Capiz ay itinuring na seafood capital of the Philippines. Ngunit ngayong talamak ang dynamite fishing, halos wala nang nahuhuling isda roon. Sa malalayong lugar na nagtutungo ang mga mangingisda upang makahuli nang binebenta nila sa palengke. Kaya ang panawagan nila kina Mayor Perez at Colonel Gustilo na hulihin at panagutin sa batas ang mga gumagamit ng dinamita sa pangingisda. Totoo kaya na ang mga Bantay Dagat ay kakutsaba ng mga gumagamit ng dinamita?
Samantala, muling pinalawig ng Philippine Charity Sweepstakes Office (PCSO) ang kanilang serbisyo sa Metro Manila. Puntahan ang website na www.pcso.gov.ph at i-klik ang E-Service and NCR online application para maproseso ang medical assistance para sa chemotherapy, dialysis, hemophilia at post-transplant medicine. Ayon kay PCSO General Manager Royina Germa, “The agency, adhering and complying to the Bayanihan to Heal as One Act, emphasizes and strengthens this auxiliary role especially in providing healthcare to Filipinos, bearing a part of the weight and augmenting government efforts in these strained and challenging times.”
Maaaring tawagan ang kanilang hotline numbers mula Lunes hanggang Biyernes, 8:00 a.m.-5:00 p.m.: (Globe) 09178807150/09273139380; (Smart) 09190683699/ 0949-0310843.
- Latest