PCSO laging maaasahan

APRUBADO na ang P122 milyong medical aid ng Philippine Charity Sweepstakes Office (PCSO) para sa 13,236 benificiaries. Ito ang panibagong tulong na ipinalabas ni PCSO General Manager Royina Garma. Mabuti ang pamamahala ni Garma sa PCSO kaya laging maaasahan sa pangangailangan ng mga mahihirap na kababayan.

Ayon kay Garma ang inaprubahang milyong pisong medical assistance ay para sa confinement, chemotherapy, dialysis, hemophilla at post-operation medicines. Tinawag itong Medical Acess Program (MAP) na dating Individual Medical Access Program (IMAP). Ang programa ay pinondohan mula sa revenues ng PCSO games nationwide.  Ayon kay Garma, ang programa ay malaking hamon hindi lamang sa kanya kundi sa buong PCSO upang tulungan ang mga mahihirap.

Sa ngayon na malaki ang pasanin ng pamahalaang Duterte dahil COVID-19 crisis, ang charity agency ay gumawa ng hakbang  upang ipagpatuloy ang pagbibigay ng medical assistance sa mga mahihirap. “Rest assured that the agency will find ways to meet the medical and health-related needs of all Filipinos especially the marginalized. We are physically distant today, but we must come together to fight this invisible corona virus so that tomorrow we can stand close to each other again.” sabi ni Garma.

Ang PCSO main office at lahat ng mga sangay nito sa buong bansa ay bukas mula Lunes hanggang Biyernes, 9:00 a.m. hanggang 2:00 p.m.  At para sa mga pasyente ng National Capital Region (NCR), maaring magsumite ng request sa pamamagitan ng online application sa PCSO official website ww.pcso.gov.ph go to E-Services at i-click ang NCR online apllication.