Minor de edad nadakpan sa curfew
Dear Atty. Divine,
Ang among barangay mipatuman og curfew sa mga minor de edad basi sa City Ordinance. Tungod niini, ilang dakpon ang mga minor nga masakpang misuroy panahon sa kagabhion gikan sa alas 10 sa gabii hangtud sa alas 5 sa buntag. Ang akong pag-umangkon apil sa nadakpan. Ang akong pangutana kun legal ba ang curfew ordinance ug di ba ni violation sa katungod sa mga bata? Daghang salamat. —Jerson
Dear Jerson,
Bisan tuod kun adunay katungod ang matag usa kanato sa pagsuroysuroy bisan asa apan dili sab kini absolute ilabi na sa mga minor de edad. Ang curfew ordinance sa mga minor in consonance kini sa Parens Patriae Doctrine sa atong Constitution nga diin ang state or gobiyerno adunay inherent right and duty sa pagtabang sa parents alang sa moral development sa mga bata. Ang Korte Suprema mismo sa ilang nahaunang desisyon sa kaso sa Samahan ng mga Progresibong Kabataan, et al. vs. Quezon City, et al., nga gipagawas niadtong August 8, 2017, nagkanayon nga ang Curfew Ordinances usa sa mga example sa legal restruction nga gitumong aron pagtabang sa mga ginikanan alang sa well-being sa ilang mga anak ug ang mga bata dili dapat nga ma expose sa peligro ilabi na panahon sa kagabhion. Busa legal ang curfew ordinance ug dili kini makonsiderar nga kalapasan sa katungod sa mga minor de edad. Thanks and God bless. —Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest