Ang mamahimong kausaban mugna sa coronavirus

Tinuod, nakamatikod sad tingali mo nga kining nahitabo karon, kining pag-hostage kanato sa coronavirus nakamugna kini og daghang kausaban sa atong kinabuhi, sa atong lifestyle, ug sa naandan o normal natong panglihoklihok.

Among others, ang mga sakop sa banay magdungan na’g simba sa online nga Santos nga Misa, mag-Rosaryo na, ug magdungan na’g pangaaon. Giingon nga lagmit tapus niining tanan, matarong ug mabuotan na kitang.

Aniay sinuwat ni Miko Mojica giulohan og “Why we will come out as better people after the COVID-19 lockdown.”

Sama kanimo ug kanako nagtuo, nga tapus molayas kining giingon nga invisible monster, makaingon kita sa atong kaugalingon: “I am a better me.” Mao kaha kini ang mahitabo? Dili kaha kita mo-backslide ngadto sa dautan natong mga kinaiya?

Matud ni Miko, “Imagine a post-pandemic world that is ready to welcome a transformed humanity. I’m excited to be part of it and I believe that this is already happening for many reasons.”

Iya nang na-imagine ang mga kausaban nga mahitabo kanato, nga usa ka transformed humanity, ug buot siya nga mamahimo siyang kabahin niining maong mga kausaban. Gani, niya pa, ang maong mga kausaban nanghitabo na karon.

Ug sama kanato, iya nang nakita ang mga kausaban nga karon ato nang nasinati, gumikan sa lockdown. Ania: 1. We slowed down, rearranged our priorities, and de-cluttered our lives. 2. We are more grateful for what we have and the people who are most important to us. 3. We are living healthier and happier lives. 4. We are being refined and are becoming more resilient because of difficulties we face. 5. We are being called for a higher purpose.

Gumikan sa coronavirus napugos kita paghinayhinay sa atong mga lihok, ug paghimog kausaban sa atong mga priorities ug sa dili pagdali sama nga naggugkod kita sa orasan. Unsa man gayud ang atong gidalian? Unsa ang atong na-busy-han pag-ayo?

Gumikan sa mga nanghitabo karon, nagmapasalamaton kita unsay ania kanato, unsay atong naankon karon, nga sa unang mga panahon, ato lang kining gi-take for granted ug gipaka-bali-wala lang. 

Sumala pa, “we are now spending most of our time inside our homes, many of us can now properly eat, sleep, and spend quality time with ourselves and with our loved ones.

Tinuod, tungod kay nahipos kita sulod sa atong mga panimalay, nakagahin na kita’g kining giingon nga quality time uban sa mga sakop sa banay ilabina uban sa atong mga anak, nga sa normal nga panahon, tagsa na natong igkita. Ug iksakto na atong pagkaon ug pagkatulog.

Unya, gumikan sa lockdown, daghan na kita’g mahimo within sa atong mga panimalay: pag-exercise, pag-pursue sa atong mga hobby, doing household chores, ug naghatag pa kini’g higayon sa paga-ampo ug pagpahigayon sa atong mga debosyon.

Makapaminos pa sa mga galastuan, sama sa pag-dine-out, ug pagpamalit bisa’g unsang mga butang nga wala kaayo kinahanglana, kining gitawag nga impulsive buying. Ingon man, ang lockdown dili  makapugong nato pagtunol sa atong itabang ngadto sa mas nagkinahanglan. Matud pa,“There’s plenty of opportunities now to show love to one another and no kindness is ever wasted.”

Karon, conscious na kita pag-practice sa cleanliness ug personal hygiene.