Mga opisyales sa Lusaran ug Sirao Senior Citizen Associations

Alang sa kasayoran natong tanan, ug aron makaila ug makahimamat kita sa mga opisyales sa  kahugpongan sa mga senior citizens sa 80 ka barangay ning dakbayan, despite niining dakung suliran nga ato karong  giatubang, atong gianam-anam pagpadayag dinhi ang maong mga opisyales.

Sa niaging tulo ka lindog sa Senior Citizens Corner, atong gi-feature ang mga barangay sa Guadalupe, Binaliw, Adlaon, Cambinocot, Babag, Sto. Niño, Sapang Daku, ug Kinasang-an. Sa atong pagpadayon, ania:

Sirao: Eriberto Ardiente, Sr., President; Dominador Alcayan, Antonio Son, Amelita Barte, Sonia Ardiente, Ofelia Pestaño, Pacifico Leyson, Pina Suquib, Amparo Limbab, Emelina Taso, Imelda Tejano, Lucena Arcilla, Milagros Tejano, Ligaya Abines, Daisy Archival, Board of Directors; Aurora Pilapil, Muse; Virgilio Tejano, Prince Charming, Sonia Ardiente, OSCA Delegate.

Lusaran: Climaco Codilla, President; Dionisio Luncob, Vice President; Elizabeth Tirador, Secretary; Alberto Arila, Treasurer; Wilfredo Velasco, Auditor; Pablo Codiñera, Teresita Codilla, Public Relations Officers; Gloria Montero, Herculano Huyop, Sgts-at-Arms; Arsenio Alibio, Prince Charming; Aurelia Villaber, Muse; Climaco Codilla, OSCA Delegate.

Sa giuswag nga pagpanghatag sa financial assistance ngadto sa mga senior citizens, wala pay katinoan ang bag-ong schedule sa pagpanghatag.

Hinuon, sumala sa gipahibawo ni Mayor Edgar Labella nga ang pagpanghatag unya, lagmit bali na og tulo ka bulan, March, April, May, kon P3 mil na ang madawat sa mga senior citizens. Ug kini ipaagi gihapon sa house-to-house.

Ug aron mapatuman ang physical distancing, dili na kinahanglan mopirma ang mga senior citizen sa payroll kondili, retratohan ang mga recipients (from a distance).  Matud pa nisugot  ang COA niining maong arrangement.

Pagkakaron, ang OSCA nagpadayon sa ilang pag-cluster by sitio sa mga ngalan sa kapin 82 mil ka senior citizens sa 80 ka barangay ning dakbayan. Ug dili kini masayon ug dili madali.  Busa, huwat lang ta.

* * *

Maghisgot ta’g credit standing sa atong nasud, nindot ang atong record atubangan sa mga financial institutions sa kalibutan. Karong bag-o ang Asian Development Bank (ADB) ni-aprobar sa $200 milyones nganhi sa atong nasud.

Matud ni ADB Vice President Ahmed Saeed, atong kutloon: “This global pandemic... has disrupted the livelihoods of millions of Filipinos and could set back the very substantial gains the country has made in reducing poverty in recent years. The new loan supports the government’s emergency subsidy program, which was designed to help vulnerable households get through this very difficult period and avoid falling into poverty.”

Hinumdoman nga sa niaging Marso 24, niining tuiga, gipirmahan ni Presidente Digong Duterte ang Bayanihan to Heal as One Act or Republic Act  11469, “authorizing the government to implement an emergency subsidy program that provides cash payments of P5,000 to P8,000 ($100 to $158) per month for two months to 18 million low-income families nationwide. “

So, kining bag-ong loan gikan sa ADB, dako kaayo’g ikatabang sa atong pagpaningkamot pagsagang sa mga kadaot nga nahatag nganhi kanato sa coronavirus pandemic. Ang maong pahulam nabutang ubos sa Social Protection Support Project–Second Additional Financing sa ADB ug kabahin sa 

ilang “comprehensive support to the Philippines to mitigate the damaging effects of the pandemic on the economy and well-being of Filipinos.”