Way kopya sa marriage certificate ang PSA

Dear Atty. Divine,

Nag-process ko sa benefits sa GSIS  sa akong papa nga namatay. Nagkuha ko og marriage certificate sa Local Civil Registrar ug ako na kining gi-submit apan ang GSIS mi-request og PSA copy. Sa dihang mikuha ko og copy sa PSA wa man silay copy sa marriage certificate sa akong parents. Ang akong pangutana kun maapektuhan ba ang validity sa marriage sa akong parents kun wa ma submit  sa Local Civil Registrar  ngadto sa PSA ang ilang documents? Unsay angayan nako nga buhaton karon? Daghang salamat. —Norma

Dear Norma,

Di maapektuhan ang validity sa marriage sa imong parents bisan kun wa ma-submit sa PSA ang ilang marriage certificate. Basi sa Article 2 sa atong  Family Code, ang kaminyuon magpabiling valid gawas lang kun napakyas kini sa pagtuman sa mga essential requisites sama sa legal capacity of the parties ug consent freely given before the solemnizing officer. Mamahimo sab nga ma-question ang validity sa mariage kun wa kini makatuman sa formal requisites  nga gitakda basi Article 3 sama sa authority sa solemnizing officer, marriage license ug marriage ceremony. Sa kaso sa imong mama  kun wala lang ma-submit sa Local Civil Registrar ang ilang documents ngadto sa PSA busa ang maayo nimong buhaton mao ang papahibawo sa Local Civil Registrar aron ilang ma-process ang pagduso sa marriage certificate sa imong mga ginikanan ngadto sa PSA. Thanks and God bless. —Atty Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.