Way labot ang panahon sa ECQ sa period sa probationary employee
Dear Atty. Divine,
Duna koy pangutana labot sa akong status karon sa trabaho. Nagsugod ko og trabaho last year sa akong kompaniya og karong buwana unta ko mamahimong probationary employee apan tungod sa Enhanced Community Quarantine kon ECQ sa among lugar nahunong ang operasyon sa among company og mahibalik lang kini human sa ECQ. Ang akong pangutana kun magpadayon ba ang akong pagka probationary employee karong buwana bisan kun nahunong ang among operasyon tungod sa ECQ? Daghang salamat.
John
* * *
Dear John,
Basi sa Article 296 sa atong Labor Code, ang Probationary Employment dili dapat mosobra sa unom ka buwan gawas lang kun covered kini sa Apprenticeship Agreement or kun dunay laing kasabutan nga mas taas ang period kay sa 6 months. Apan ang Dept. of Labor and Employment kon DOLE mipagawas og Labor Advisory 14 Series of 2020 niadtong Marso 30, 2020 nga nagkanayon nga ang period sa Enhanced Community Quarantine kon ECQ tungod sa Covid-19 way labot sa pagkwenta sa 6 months Probationary Period.
Sa imo nga kaso, this month unta ka magsugod sa imong Probationary Period apan tungod sa ECQ hayan mosugod ka sa pagka Probatiobary Employee inig balik na sa inyong operasyon after sa ECQ. Thanks and God bless .
Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
