Mga dapat gawin paggising sa umaga
Maraming naaaksidente sa umaga lalo na ang bagong gising. Puwedeng mahilo at bumagsak dahil hindi pa ganoon ka-“gising” ang katawan. Puwedeng manhid pa ang paa at walang balanse sa paglalakad.
Narito ang mga dapat gawin paggising sa umaga:
l Paggising sa umaga, magpasalamat sa Diyos. Dahil marami ang hindi na nagigising. Sabi nga, “Every gising is a blessing.”
l Paggising, huwag tumayo agad at baka mahilo. Dahan-dahan lang. Umupo muna ng 1 minuto at mag-stretch ng leeg at balikat. Ang biglang pag-upo at paggalaw ng ulo ay maaring magdulot ng vertigo o pagkahilo. Mayroong nagko-collapse sa biglang pagtayo dahil nagkulang ng dugo sa ulo sa pagbaba ng blood pressure.
l Umupo sa inidoro habang umiihi, kahit sa mga lalaki. Baka inaantok ka pa at biglang bumagsak, mahilo o mag-collapse. May tinatawag na “micturition syncope” kung saan nag-collapse ang tao habang umiihi. Puwede itong mangyari.
l Uminom ng 2 basong maligamgam na tubig bago mag-almusal. Para luminis at mai-ihi ang dumi sa katawan. Turo ito ng Japanese water therapy.
l Maging positibo na magiging maganda ang iyong araw. Mag-expect na may darating na biyaya. God bless po.
- Latest