Panic buying

Tinuod, kining editorial sa The Freeman nga ang pag-panic buying nakadugang lang sa suliran nga dala sa COVID-19.

Diri sa among barangay, tapus ideklarar ang public health emergency, kalit nga nag-panic buying ang katawhan. Napuno ang parkingan, ug naghuot ang nangomprahay sulod sa grocery area.

Akong namatikdan nga nag-awas-awas ang mga cart sa mga datu’, apan, kaming mga pobre tagsa ra bulsitang gamay ang among gibitbit.

Sa ato pa, gumikan sa ilang pagka-adunahan, daku ang ilang pagpamintaha. Ug kitang mga kabus igo lang sa pagpangagho ug pagpanghupaw. Dili man sala sa mga adunahan nga daghan sila’g kwarta. Hinuon, makapangutana kita sa atong kaugalingon ngano nga pobre kita.

Anyway, ang pagka-datu’ ug ang pagka-alaut, walay labut sa pagsulbad sa suliran sa COVIC-19.

Ang editorial sa The Freeman nagkanayon: “However, panic buying doesn’t solve our COVID-19 problem, it only compounds it even more.” Bitaw, nagdugang lang hinuon kini sa suliran. Among others, kining pagpamintaha sa mga datu’, nag-deprive kini sa mga kabus nga makapamalit pa kita sa igong gidaghanon sa mga basic commodities alang sa atong pamlya.

Padayon sa editorial: “Going out to buy huge amounts of whatever you want, you will likely encounter hordes of people doing the same. The groceries will literally become crowded with people frantic to get their hands on anything.”

Resulta: magdasok kita sa mga mall ug ubang mga dagkung tindahan.” This runs counter to the suggestion that people avoid crowds and public gatherings as a way to prevent spreading COVID-19” nagkanayon ang editorial.

Kining pag-panic buying makapanihit o maka-cause sa shortage sa mga butang buot natong paliton, busa makapamahal sa mga prisyo niini. So, dugang sa problema, dugang ang pag-panic.

Dihay nasud nga nag-riot na sila didto. Hinaut nga dili kini mahitabo dinhi sa atong nasud. Busa, kalma lang gud kay ang atong pagka-tarantar makadugang sa problema, ug dili na kita matarong ang atong panghunahuna.

Tambag sa usa ka maglilindog sa Philippine Star: “Don’t panic, just be hygienic.”  Panghindik ug pagpanglimpiyo sa kaugalingon. “Yes, the COVID-19 virus is indeed a threat and a crisis, but the first thing we must do in any crisis is to stay calm. Panic buying just creates this tidal wave of fear that threatens to overwhelm even the most sensible of us,” dugang sa The Freeman.

By the way, mahitungod niining mga laraw pag-forgo sa mga graduation ceremonies, alang nako, maayo sad ni. Samtang usa kini ka celebration sa atong paglampus sa pagtungha, apan at the same time makadugang kini sa gasto.

In my case, gumikan sa hinungdan nga hangtud karon, wa ko mahibawo, wa ko moapil o wa ko motambong sa among graduation ceremony sa Xavier University (Ateneo de Cagayan) sa dakbayan Cagayan de Oro.

Despite niadto, usa gihapn ako ka graduate. Question: Gikinahanglan ba gyud ang elaborate graduation ceremony, aron ka maka-graduate? Kinahanglan ba gyud nga mag-toga ka,  magpaso-paso ug maminaw sa kusog nga palakpakan sa proud ning inahan ug amahan ug imong kahigalaan?

Di ba mahimo nga i-distribute ang mga diploma sulod sa mga classrooms, unya mouli dayon ka, ug adto na sa balay ang graduation ceremony, uban sa mga ginikanan, kaparyentihan ug kahigalaan?