AARP once again

Sa niagi natong mga lindog atong gibalikbalik paghisgot ang bahin sa AARP kon American Association of Retired Persons. Gani, sa mga tigum sa OSCA ug DSWS uban sa kahugpongan sa mga senior citizens sa 80 ka barangay ning dakbayan, ilakip man ang mga kasayoran mahitungod  sa AARP tungod kay man kini ang gihimong sample o modelo sa gilaraw nga pag-organize unya sa League of Senior Citizens of Cebu City.

Kahugpongan kini sa tanang senior citizens sa dakbayan sa Sugbo, sama sa AARP. Sa ato pa, usahon ang mga senior citizens sa dakbayan into a city-wide mother organization. Kay kon magkahiusa gayud ang tanang senior citizens, daghang benepisyo ug pribilihiyo ang maani sa mga sakop.

Sama sa AARP nga giisip nga usa sa mga powerful lobby group sa America, nga inigtingog sa hinugpong kapin 40 milyones ka sakop niini, mapugos pagpaminaw kanila ang Presidente sa America ug ang US Congress.

Dili kini mahitabo dinhi sa atong nasud tungod kay nagkabuwag-buwa ang mga senior citizens, busa, dili makapalanog og hiniusang tingog. Dili makadungog ang gobiyerno.

Tapus sa pagpili og OSCA Head, lagmit mapahigayon na ang kampanya pag-organize na sa League of Senior Citizens of Cebu City. Maoy hinungdan nga atong gipadayon ang paghisgot sa AARP kaylagi, mao man kini ang gihimong modelo paghiusa sa tanang senior citizens sa dakbayan.

Of course, ang tanang existing nga mga association sa senior citizens sa dakbayan, dili bungkagon, magpadayon ang ilang kalihokan. Besides, daku kini sila’g role unya, ug daghan ang ilang matampo pagpalambo sa gilaraw nga mother organization.

Sama sa America, adunay  matawag nga mga chapter ug independent organizations sa matag estado, apan, wala nila did-i ang ilang mga sakop pagpasakop sa AARP.

Sa ato nang gihisgutan sa una atong mga lindog, daghan kaayong benepisyo ang maani sa ilang mga sakop gikan sa ilang kaugalingong pundok, dili gikan sa gobyerno. Sa 2018 nilang Report ang ilang pundo mikabat og $1.65 billion. Lagmit karong mga tuiga, muabot na’g kapin sa 2 bilypnes dolyares. Kadaghan ining kwartaha.

Mahimo kaayo ni nato dinhi sa atong dakbayan kon magkahiusa ang tanang senior citizens, magtinabangay, inay mag-iyahay ug magkompetensiya pa.

Ania ang pipila sa mga kaayohan nga gitanyag sa AARP ngadto sa ilang mga sakop, atong kutluon: “Every one knows about the insurance products, but there are hundreds of other AARP member benefits like carefully chosen discounts, programs, and services that come with your membership.

Kining insurance nindot kaayo alang sa mga senior citizens. Dugang niini, ania: “The AARP Now smartphone app puts the power of membership in the palm of your hand.

Get instant access to your digital membership card, stay connected with the daily news stories, explore events happening nearby and discover member benefits wherever you are.”

Nindot no? Ilabi karong panahona nga kinahanglan ma-updated kita sa mga kasayoran labut niining sakit nga mitakboy na sa tibuok kalibutan, nga wa pay klarong tambal.

Dugang nini, ang Online Games. “Whether you like to do a daily crossword puzzle or test your skills at solitaire, you can access tons of free online games (including ones created exclusively for members!) — and you can play them anytime, anywhere.

Nindot no? Ato ning padayunon sa sunod natong lindog.