Donation sa SRP lot

Atong kasinatian nga gumikan sa politika bisa’g unsa na lang ang ma-isyu batok o pabor, maayo o dautan nga pagahimuon sa kaatbang sa politika.

Usa na niini kining tinguha sa dakbayan sa Sugbo pag-donar og lote diha sa SRP ngadto sa Commission on Audit (COA). At a glance, alang kanatong mga yanong molupyo ning dakbayan nga walay kasinatian sa mga butang legal, nindot ang maong tinguha. Kahibawo man ta nga ang COA usa sa mga mahinungdano ug kinahanglanon nga ahensiya sa gobyerno.

Ang maong gilaraw nga donation, walay legal impediment, matud ni City Legal Officer Rey Gealon. Bitaw, di man ako abogado ug bisa’g na-abogado pa, di man sad maisip nga usa ka bright nga abogado, alang nako, iksakto ang gibarugan ni Gealon.

Matud ni Gealon, tapus nila ma-review ang draft sa deed of donation tali nila ni Mayor Ed Labella  ug COA chairman Michael Aguinaldo:  “In view thereof, it is our considered view that, subject to the full details of the lot subject thereof, there is no legal impediment for the issuance of the necessary Sangguniang Panlungsod Resolution authorizing the City Mayor to enter, sign and/or execute the attached proposed draft Deed of Donation.”

Dugang ni Gealon nga ang mga terms sa deed of donation “are not contrary to law, morals, good customs, public order and public policy.”

Dugang niini maoy tinguha sa Mayor ang pag-establish og government center diha sa SRP, diin ang tanang national agencies sa gobiyerno anha ipahimutang. Maghatag kini’g daku nga convenience niadtong adunay mga transaction tali sa mga buhatan sa gobyerno.

Sa Tacloban City, gibutang sa usa ka luna ang mga national government agencies, nagpasabot nga sa usa lang ka dapit, maka-transact nga kita uban sa mga buhatan sa gobiyerno.

Dinhi sa Cebu City, pananglitan, mahurot nimo pagduaw ang nagkalainlaing dapit sa dakbayan nga nahimutangan sa nagkabulag-bulag nga mga buhatan sa gobyerno. Daku kaayong inconvenience alang sa mga taxpayers.

Busa, kun madayon kining mga laraw pagbutang og government center sa SRP, sa usa lang ka lugar maka-transact na kita og business sa tanang mga buhatan sa gobiyerno. Ngil-ad ba gud ni? Supak ba kini sa balaud?

* * *

Sa iyang column sa Philippine Star, si Carmen Pedro sa nangutana: “Why do Filipinos continue to support Duterte?

Lagmit, nakapangutana usab ikaw niini, nga tapus sa tulo na ka tuig sa pamunoan ni Duterte, nagpabilin ug nagpadayon ang iyang popularity.

Atong hinumdoman ang maong bugnong lugaynon gihalagway nga bugno sa masa batok sa mga adunahan.

Matud ni Pedrosa: “Filipinos were maturing politically and they understood the message of Duterte’s campaign. It was time to stop the oligarchs’ hold on government. His speeches were simple to understand. The majority poor loved it because ‘this man was one of us and spoke like us’. That support was strengthened by the thousands of Filipino voters who flocked to his rallies and reached a million on his miting de abanse days before the election.”

Kahinumdom mo ini? Ato ning padayunon sa sunod natong mga lindog: ang tubag sa pangutana ngano nga nagpabilin ang support sa katawhan sa Duterte administration.