Human sa daghang trabaho

Na-busy kaayo si Jesus sa iyang mga gimbuhaton labina kun maghisgot kita og mga milagro.

Dunay nature miracles ug dunay healing miracles. Ning tungora anhi ta sa iyang healing miracles kun ang milagro sa pag-ayo sa  mga masakiton.

Ang mga masakiton iyang giayo sa ilang lawasnon ingon man espirituhanon nga kasakitan.

Ang mga bakol nakalakaw, ang mga buta nakakita, (lawasnon) ug iyang gipapahawa ang daghang mga yawa (espirituhanon).

Mao kini ang nakapahimo niyang attractive ngadto sa mga tawo nga nagpalibot kaniya.

Kini tungod kay iyang gibusog dili lang ang ilang kalagnon nga kaugtom hinunoa, iyang gibusog usab ang ilang lawasnong panginahanglan. Sa ato pa, nahimong balanse ang tanan.

Ang nakapahimo pa gyud niya nga interesante mao man nga bisan sa kadaghan niya og trabaho adunay mga higayon nga siya mag-inusara diha sa pag-ampo. Nag-ampo siya ug namalandong sa tanang mga butang nga iyang nahimo.  Gani matud pa, mobangon siya sa sayong kabuntagon aron moadto sa dapit nga awaaw aron didto mag-ampo siya. Ug dayon mobalik siya sa naandan niyang buluhaton adlaw adlaw hangtud na sa higayon nga siya gilansang sa krus.

Sa akong kinabuhi isip pari dunay mga higayon nga nataligam-an ang kahilom ug ang pag-inusara. Nindot gyud nga mag-inusara diha sa pag-ampo. Nindot gyud ang mag-inusara sa pagpamalandong kay usahay ang nga tingog ug kagahub maoy mamahimong babag aron hilomon ang kaugalingon.

Ang hysteria sa  kadaghanan panahon sa imong paghisukamod dili gyud makatabang aron ka mahiluna. Ang tanan nahimong haguka alang kanimo.

Dunay babaye nga nagpunay og bakho kay lagi nasakitan siya pag-ayo.

Sayod ko nga tinuyoan niya ang tanan. Sa dihang nangayo siya kanako sa akong opinyon, wala lang gyud ko motingog kay nasayud ko nga bisan unsaon pa nako siya og pasabot magpabilin siyang bungol ug buta sa kamatuoran labina kay emotionally involved siya.

Mao nga ako lang siyang gipasagdan nga mohilom human sa iyang pagngaab.

Dayon ako siyang giingnan: “Panamin, ug sud-onga kun nganong nainsulto ka sa dihang gisaway nimo si Trixie nga bati og Nawong!, nakita na nimo ang hinungdan?” dayon nitalikod ko kay basin unya ako ang iyang pabayron sa iyang gi order nga mamon…..Human sa daghang trabaho kinahanglan nako ang pahuway gikan sa mga txic nga tawo.