Si Lil Sisa ug uban pa (Ikaduhang gula)
Apan ang atong nakat-onan sa kagahapon malisud kaayo natong talikdan kini tungod kay nahimong kabahin naman sila sa atong sistema.
Ug kay nahimong kabahin naman sa atong sistema, angayan lamang nga mohimo kita og overhauling kun unsay atong nakat-onan sa kasamtangan aron sa ingon mamahimo kitang andam ug tagana alang sa umaabot.
Ang sugilanon sa umaabot
Bisan pa man kun halayo pa kini apan ang sugilanon nga atong gitagik sa kasamtangan mao man ang mohimo og resulta sa umaabot nato.
Ang bugtong mahimo nato mao ang pagsugod sa maong sugilanon sa kinabuhi uban ang paglaum ug pagtuo nga ang dunay mga butang maayo nga mahitabo taliwala sa mga kalaksot.
Positibo nga panghunahuna manganak usab og positibo nga kinabuhi.
Sa Fliptop daghan ang moabiba sa matag entrante sa entablado sa debate.
Ang uban malingaw, ang uban maguol samtang ang uban maglagot. Ngano man?
Tungod kay mahimong ang sugilanon ug bananatay nga mahitabo salamin lamang sa ilang personal usab nga kasinatian.
Sakit man ug insulto ang madungog sa matag entrante mahimong ipaagi lamang niya og talidhay ang tanan agig reaksiyon sa pagpanaway.
Kini aron pagtabon sa natukbil nga kasamdan.
Sa tuyo nga akong sun-on si Lil Sisa sa ilang panagtagbo akong gikatagbo ang usa ka babaye. Siya nagkanayon:
Babaye: Pads, taas lagi imong buhok patupi pud oi!
Ako: Mura diay og gugma ug relasyon kun mao
Babaye: Hah? Ngano man?
Ako: Nganong ato pa mang patas-on nga imo ramang putlon!
Babaye: (Nipahiyom) Saba oi! Pasumban lang nang imong dagway!
Kun may mangidnap og manguha og internal organs basin apilon og kuha nang imong kasingkasing aron ibaligya!
Ako: Kun mao barato na lang ni ug dili mahal
Babaye: Ngano man?
Ako: Daghan naman gud ni og samad!
Babaye: (Pahiyom) Siawa! Pastilan sa daghan gyud tingali ka og babaye!
Ako: Tingali ikaw ra!
Hinuon salamat sa maong kasinatian, di man tuod ko mahisama nilang Sisa ug Shernan apan nalipay na lang pud ko kay nakahimamat ko og katawhan nga maabi abihon nga nahimong kabahin sa narrative sa akong kinabuhing tawhanon!
- Latest