Gitaktak sa trabaho tungod sa edad?

Dear Atty. Divine,

Ang akong papa nagtrabaho  sa usa ka kompaniya, but before Christmas  nang lay-off ang ilang company ug kasagaran sa gi lay-off ang mga edaran na nga mga empleyado lakip na ang akong papa. Ang mga batan on maoy nabilin  bisan kun kini bag-o pa lang sa trabaho ug mas minus unta og kasinatian.Ang akong pangutana kun dili ba diskriminasyon ang gibuhat sa company? Daghang  salamat. —Leon

Dear Leon,

Basi sa Section 4 (a) (6) sa Implementing Rules sa  Republic Act 10911 kon Anti-Age  Discrimination in Employment Act kini nagkanayon nga usa ka kalapasan  sa balaod  kun ang employer mopugos sa pag lay-off sa empleyado tungod sa iyang katiguwangon. Ang mapamatud-an niini  adunay multa nga P50,000 ngadto sa P500,000 ug pagkabilanggo sud sa tulo ka buwan ngadto sa duha ka tuig. Busa kun duna moy ebidensya to prove nga gipugos sa pag lay-off imong papa tungod sa edad then pwede siya nga mopasaka og kaso batok sa iyang kompaniya. Thanks and God bless.—Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon  ang inyong pangutana pinaagi sa akong column  matag Miyerkules, Sabado  ug Domingo.