Gikinahanglan ba ang consent sa parent sa adoption?

Dear Atty. Divine,

Ang akong igsuon nga babaye napaangkan sa iyang kanhi boyfriend. Ang bata nagdala sa apelyido sa amahan. Karon naminyo ang akong igsuon ug gusto sa iyang bana nga sagupon ang bata. Apan matud pa sa akong iyaan nga kinahanglan ang consent sa biological father sa bata alang sa maong adoption. Ang problema kay wa na mi masayud kun asa na ang amahan niini. Wa sab kini magsuporta sa bata ug di gani mo-contact ug mangumusta sa iyang anak. Ang akong pangutana kun dili ba pwedeng ma file ang petition for adoption sa bata kun way consent sa amahan? Daghang salamat.

Miko

* * *

Dear Miko,

Basi sa Section 9 paragraph (b)  sa Republic Act 8552 kon Domestic Adoption Act of  1998 gikinahanglan gyud ang approval or written consent sa  biological parents sa bata nga sagupon aron mamahimong valid ang adoption. Apan kining maong requirement mamahimong ma-dispensed o wa na kinahanglana kun ang parent mi abandoned sa bata or kun dunay problema sa pangisip ang parent. Kinahanglan lang nga i -alleged sa Petitioners  sa ilang Petition ang maong facts nga gi-abandoned sa parent ang bata. Base sa desisyon sa Korte Suprema sa Cang vs. Court of Appeals niadtong Sept. 25, 1998 kini nagkanayon nga kun ang amahan mi abandoned sa bata, wa na kinahanglana ang iyang consent sa adoption. Busa sa kaso sa imong igsuon pwede ra nga ma-file ang Petition for Adoption basta ila lang i-alleged nga gi-abandoned sa amahan ang bata ug ila sab kining pamatud-an atol sa trial. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.