Pasko 2019

Sama sa nangaging mga Pasko, makaingon na usab kita nga kusog na kaayo ang lanat sa panahon kay mao ra man og bag-o lang tang nagsaulog sa Pasko 2018. Bag-ohay lang tang nag-ilis sa kalendaryo.

Actually, ang dagan sa panahon mao lang gihapon. Ang 24 oras matag adlaw, 24 lang gihapon, ang 8 oras matag adlaw nga pagtrabaho mao lang gihapon. Sa laktud mao lang gihapon ang lanat sa panahon.

Nagpasabot lang gyud ni nga busy na gyud kaayo ang tawo nga dili na ta makamatikod sa dagan sa takna. Inig-Lunes mokalit lang og ka-Biyernes. Sa among panahon, inig-Lunes dugay kaayong moabot ang Biyernes.

Ug inig-bag-ong tuig, dugay kaayo ang among pagpaabot sa laing bag-ong tuig. Lahi karon nga dili ta kinahanglan magpaabot sa bag-ong tuig tungod kay mokalit lang ni’g abot. Mao usab ang Pasko.

Apan,  unsa man usab ang na-busy-han sa tawo karon? Unsa man ang atong gidalian nga kanunay kitang naggukod sa oras

At the end of the day, o at the end of the year, unsa may atong ikasulti sa atong kaugalingon kon unsay atong na-accomplished, resulta sa atong pagka-busy kaayo? Waa lang kaha ta mag-usik-usik sa panahon, nga at the end of the day, at the end of the year, waa diay tay  nahimo? 

Alang kanimo, unsa man gyud ang Pasko? Lechon ba lang o humba matag tambong nimo sa paety? At this very moment, unsa may nasulod karon sa imong hunahuna? Christmas party ba lang? Exchanging gifts? Hamon? Red wine? Mga dayandayan ug nagdilaab nga mga suga? Christmas tree? Ug nakatambong ka ba, bisag kausa lang sa Simbang Gabi? O imo gayud gikompleto ang siyam ka kaadlawon? 

Usa kini ka dakung sakripisyo, kay dili lalim nga momata ka’g siyam ka kaadlawon aron mosimba. Bisa’g mag-uwan. Aduna ra bay nagpatuotuo nga kon makakompleto kono ka sa siyam ka kaadlawon, i-grant kono ang imong mga wishes.

Kun mao lamang kini ang imong tuyo sa pagsimba, maora’g dili kaayo ni dunggon sa Ginoo. Una sa tanan, mosimba ta, to glorify God ... secondary o pakapin na lang kun unsa man ang atong pangayuon o mga wishes.

Ang Pasko season sa pagpasalamat, paghigugmaay, pagpangayog pasaylo ug pagpinasayloay, pagpinaambitay ... ug labaw sa tanan, kon buot hunahunaon, ang Pasko is a celebration of salvation.

Hunahunaa kuno kun walay Pasko, wala poy Pagpanubo, walay Salvation. Mao kini ang dakung kahulogan sa Pasko. Usahay gud, malinga kita, malipat kita, nga gumikan sa hugyaw sa katawhan ug kagahub sa palibot, ma-distracted kita ug ma-diverted ang atong atensiyon gikan sa tinuod nga kahulogan sa Pasko. 

Gikinahanglan ang pagsadya ug pagmaya’ panahon sa Pasko. Kini tungod kay ang Pasko is always a happy occasion, mo-mahal man ang bugas ug ang sardinas; magnihit man ang lechon ug ang humba; mahubog man o dili mahubog.

Apan, kinahanglan hinumduman nga ang Pasko is a celebration of both body and soul.  In fact, Christmas is primary a celebration of the Soul, dili kay sa lawas lamang. Usahay gud manubra ang atong pagtagbaw sa lawas nga madugta, ug hikalimtan ang kalag nga molungtad.

At any rate, Merry Christmas sa tanan!