Ang asawa ang mi-file og divorce sa gawas sa nasud
Dear Atty. Divine,
Ang akong amiga naminyo og foreigner. Gidala siya sa Sweden ug nagpuyo siya didto for six years uban sa iyang bana. Apan tungod sa ka abusive sa iyang husband nagbuwag sila ug mi-file og divorce ang akong amiga ug gi grant sa court sa Sweden. Karon gusto sa akong amiga nga magminyo pag-usab apan pagkuha niya og Cenomar sa PSA mi appear man ang iyang first marriage so gitambagan siya nga i-parecognize ang iyang divorce dinhi sa Pilipinas. Apan ang iyang pangutana kon ma-grant ba kaha ang iyang i-file nga Recognition of Divorce Decree sa korte nga siya man ang petitioner sa divorce ug dili man ang iyang alien spouse? Daghang salamat.
Laarni
* * *
Dear Laarni,
Basi sa Article 26 sa atong Family Code kini nagkanayon nga kon ang Filipino ug ang foreigner magminyo ug human niini adunay makuha nga divorce ang foreigner sa ilang nasud nga maghatag kaniya og kapasidad nga makaminyo og lain, then ang Filipino spouse pwede sad siya nga makaminyo og usab tungod sa maong divorce. Ang maong balaod wa mag-specify nga kinahanglan gyud nga ang alien spouse maoy mi-file sa divorce. Basi sa labing uwaheng desisyon sa Korte Suprema niadtong Jan 23, 2019 sa Nullada vs. The Honorable Civil Registrar of Manila, et al. gipasabot sa labawng hukmanan nga ang gi-require sa balaod nga adunay valid divorce nga na-obtained abroad. Ang balaod wa nag-require nga kinahanglan ang alien spouse gyud ang mi initiate sa proceedings abroad ug tungod kay wa mo-distinguish ang balaod then way rason nga mo-require ang korte kon si kinsa ang dapat mo-file. Busa bisan kon ang imong amiga ang mi-file sa divorce as long as valid abroad ang maong divorce way rason nga dili kini irecognized sa korte sa Pilipinas. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest
