Mga drug users diha sa City Hall

Adunay 42 ka tiggamitan og druga nga mga kawani ang Balay Lungsod sa dakbayan sa Sugbo, matud pa sa pangulo sa City Office for Substance Abuse Prevention (COSAP) nga si Jonah John Rodriguez.

Ang pagkadiskobre resulta sa sunod-sunod nga kinalit nga drug test nga gihimo sa (COSAP) niadtong Nobyembre 8 hangtod na sa Disyembre 1, 2019. Ang ngalan sa mga drug user nga kawani isumiter kini ni Rodriguez ngadto sa buhatan ni City Legal Office Chief Rey Malicay Gealon.

Gitug-an ni Atty. Rey Malicay Gealon nga (13) ka mga kawani sa balay lungsod ang iyang tangtangon sa trabaho ug kini gilangkoban sa (8 )ka mga kawani nga nakadistino sa Department of Engineering and Public Works, duha (2) ang gikan sa General Services Office, (2), 2 pod ang Naggikn sa Parks and Playground Office ug usa (1) ang nagagikan sa Department of Social Welfare and Services.

Kun imong tinambanon sa pagsabot wala gayod maminaw ug wala pod mahadlok ang mga kawani sa kampanya ni Presidente Rodrigo Duterte batok sa gidili nga drugas bisan pa og liboan na ka mga kinabuhi nga nakalas. Sa 42 ka mga kawani, duha nila ang migamit og marijuana samtang ang 40 migamit og shabu. Usa kanila ang nagtrabaho sulod mismo sa buhatan ni Mayor Edgardo Labella.

Ang nakasulod nga mga drug user nga kawani sa Balay Lungsod bunga kini sa dili maayong paagi sa pagpili ug pagpasulod og mga kawani. Maingon nato nga wala salaa pag maayo ang pagdawat og mga kawani.

Ang dili maayong paagi sa pagdawat ug pagpili og mga kawani bunga usab kini sa palakasan nga sistema nga gisunod ug pagkawalay pagpakabana sa kamahinungdanon sa proseso sa pagdawat og kawani. Ang gitahasan sa pagrekomendar og tawo nga patrabahoon nagpatuyang lang sa ilang gibati nga hastang mga tiggamitan ug druga ilang giapil.