Gustong mangutang apan way fix term sa pagbayad
Dear Atty. Divine,
Ang akong ig-agaw gusto nga mohuwam og kwarta para sa iyang negosyo. Misugot ko apan ako siyang giingnan nga dapat magpirmahanay mi og kasabutan nga dapat bayran niya ang maong utang after 2 years. Misugot siya apan mihangyo nga instead of 2 years ang ibutang sa kasabutan, ibutang lang kun kanus-a niya kaya mabayran ang maong kantidad. Naluoy ko niya but mora man sad og alkanse ko aning sitwasyuna, ang akong pangutana kun unsaon nako pagkolekta ang utang kun way fix term? Daghang salamat. —Jenny
Dear Jenny,
Pwede gihapon ka nga makakolekta sa maong utang bisan kun way fix term basi sa Article 1180 sa atong Civil Code apan kinahanglan pa ka nga moadto sa korte basi sab sa Article 1197 sa Civil Code aron ang Korte maoy mobutang og fix period. Buot ipasabot nga dili gyud siya mapugos sa pagbayad kun way fix term kay ang nabutang kun kanus-a ra man niya kaya mabayran. So, kun gusto ka og security on your side mas maayo ibutang gyud ang fix term aron malikayan ang problema later.
Thanks,
Atty. Divine
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest