Mga tawong di maantigong motahud sa privacy
Di tanang panghitabo sa atong kinabuhi ang angayan natong ibandiliyo ug imantala sa kadaghanan.
Dunay uban nga nahimong anha lang sa suok sa atong tagsa tagsa ug personal nga luna Dili man pud tanan ang angayan nga masayran. Kay dunay mga butang angayang saw-an sama pananglt sa mga inspirational quotes ug mga nindot nga kasinatian nga makahatag og kalipay sa mga tawo nga motan-aw niini. Apan dunay mga butang nga angayang tipigan tungod kay makahatag man og kadaut sa hingtungdan mismo ug sa ubang mga tawo. Makadaut tungod kay makapaluya, makadaut tungod kay makapawala sa gana. Busa angyan lamang nga tahuron ang maong privacy. Apan dunay mga tawo nga dili gyud maantigong motahud niini. Alang nila kinahanglan nga himoong i post sa social media ang tanan bisan gani ang mga intimate moments nila. Kini tungod kay alang nia kinahanglang i shout out ang tanan diin nahikalimot sila sa mga posibleng mahitabo kun ila lamang kining pasagdan.
Sa laktod nahimo silang sumsoman sa tanang tabi tabi, komentaryo, ug uban pa. Nahimo tuod nga mas paspas ang komunikasyon ning mga panahona apan nahimong hinay ug luya ang pagtinahuray sa usag usa.Usa kini ka akto sa pag bully sa tawhanong privacy. Ang uban tinuyoan, samtang ang uban gipahamtang. Ang pagbanhig sa personal sphere sa atong isig-kaingon usa man ka paagi sa pagpakita sa atong gahum ngdto sa maong tawo. Gahom kini tungod kay gi manipulate man ang personal information sa maong tawo.
Nga sa ato pa, ang maong information maoy gihimong hinagiban sa paghimo og black mail sa maong tawo. Kalapasan kini sa tawhanong katungod.
Mao nga unta mamahimo kitang maigmaton sa tanan natong gipangbuhat kay pinaagi lamang sa pagmatngon atong mapanalipdan ang atong kaugalingon gikan ni bisan kinsang tawo nga dunay gilukdo sa pangisip.
Mga tawong paranoid ug mga tawong delikado sa seguridad sa ilang isigkaingon. Mga tawong way respeto sa privacy sa ilang isigkaingon. Mao nga dili tanang panghitabo angayang imantala ug dili tanang pagbati nagkinahanglan og atensiyon gikan sa kadaghanan. Busa pagbantay gayud aron dili ka mahulog sa tanang mga pagsulay ug pagbatikos sa mga netizens nga usahay way igong pagbati o pagpakabana kun nasakitan ka ba o wala.
- Latest