Managsamang benepisyo alang sa mga senior citizens ug PWDs

Mao kini ang pahinumdom sa Department of Labor & Employment (DOLE) ngadto sa pribadong mga employer paghatag og equal wages & benefits ngadto sa ilang empleyado nga mga senior citizens ug disabled.

Sa ato pa, walay discrimination sa edad o sa pagka-PWD kon sweldo maoy hisgutan. Niini, ang Asst. Secretary sa DOLE, si Benjo Santos Benevides nagkaayon nga “in the fast-food industry, the four-hour work scheme of the employed senior citizens and PWDs should also be according to the minimum wage law while working for more than eight hours should be compensated with appropriate overtime pay.”

So, sama sa ubang regular nga empleyado, minimum nga sweldo ang ihatag ngadto sa mga senior citizens ug PWDs, ug overtime pay pa, kon mag-overtime man. Midugang pagpamahayag si Benevides nga nalipay ang ilang departamento nga nakadawat og mga taho nga daghan nang kompaniya ang nihatag og kahigayonan sa panarbaho ngadto sa mga senior citizens ug PWDs ug nakatampo sa ekonomiknahong kalihokan sa nasud.

Bitaw, daghan pa man kaayong mga senior citizen ang aduna pay kakakos pagpanarbaho. Hinumdoman nga anaa kanila ang wisdom, maturity, ug experience.

Gihisgutan ni Benevides ang Anti-Age discrimination law nga istriktong nagdili sa mga employer pag-discriminate o pagbalibad sa usa ka job applicant gumikan lang sa edad.

Matud pa, kinahanglan hatagan og equal access to employment ang mga aplicante, regardless of their gender, ability, and age. Ang Section 4 sa mplementing Rules and Regulations (IRR) sa Anti-Age Discrimination in Employment Act nagkanayon: “Employers are prohibited to discriminate the employment of an applicant and a worker in terms of age through any forms of publication or advertisement relating to employment, or decline employment application, promotion, or training opportunities due to the individual’s age.”

In most instances gud, ang mga advertisements o opportunities for employment nga atong mabasa sa mga mantalaan ug ubang media outlets magkanayon: pleasing personalities (sa ato pa, bati kag’g nawong, senior citizen pa gyud – di na madawat, labi na’g PWD), between  ages 24 & 30 (samot di na mawadat ang senior citizen), ug ubang requirement nga masupak sa balaud sa anti-discrimination.

Unsaon ning uban natong mga kompaniya nga hambugero kaayo, mga guwapo ug guwapa gyud ang ilang dawaton. Maoy hinungdan nga daghan sad nga mga kompaniya nga ang nawong ray gaayo sa ilang mga empleyado, apan, dili customer-friendly.

Anyway, bahin sa panarbaho, ania kining provision sa RA 9994 kon ang Expanded Senior Citizens Act of 2010: “Senior citizens who have the capacity and desire to work, or to be employed shall be provided by the DOLE, in coordination with other government agencies including local government units, with information and matching services to enable them to be productive members of society.”

So, sa ato nang nahisgutandinhi, sa daghan nang higayon, tinguha sa atong kagamhanan nga ang mga senior citizen kahatagan pa’g higayon sa pagpangampleyo, gawas nga aduna na unya silay kahinungahan, mamahimo pa silang productive ug useful nga sakop sa katilingban.