Kanus-a mo prescribe ang pagpasaka og kasong illegal dismissal?

Dear Atty. Divine,

Ang akong amiga usa ka regular nga employee apan gitaktak siya sa iyang employer nga way due process. Wa siya mopasaka og reklamo sa dihang siya gitaktak kay nakakita man dayon siya og trabaho. Apan  karong bag o, iyang  nahibaw an nga ang iyang kanhi employer nanaktak na sab og mga trabahante nga way due process bisan kini mga regular employees. Plano karon sa akong amiga nga mo-file og kaso sa iyang kanhi employer for illegal dismissal aron mahunong na ang pagsige og panaktak niini nga way due process. Ang akong pangutana kun pwede pa ba siya mopasaka og reklamo nga one year na man ang nakalabay gikan sa iyang pagkataktak? Daghang salamat.

Tracy

* * *

Dear Tracy,

Yes, pwede pa makapasaka og kasong illegal dismissal ang imong amiga batok sa iyang kanhi employer bisan kun usa ka tuig na ang nakalabay sukad siya gitaktak. Basi sa mga nahaunang  desisyon sa Korte Suprema , ang pagpasaka og kasong illegal dismissal mo prescribe sud sa upat ka tuig. Samtang ang money claims mo prescribe og tulo ka tuig. Busa ang imong amiga aduna pay nahibiling 3 years  aron siya makapasaka og kaso sa NLRC aron sa pagkwestyon sa legalidad sa iyang pagkataktak. Kun mopabor kaniya ang NLRC hayan makabayad ang kanhi niya employer og separation pay ug uban pang benepisyo.  Thanks and God bless.

Atty. Divine,

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.