Tinudloay Galore

Oktubre 27, 2019: Ikakatloan nga Domingo sulod sa tuig. Mga Pagbasa: Sir. 35;12-14,16-18/Sal. 34/2

Tim. 4;6-8,16-18/Lk. 18;9-14

Tinuod gyud ang gisulti sa kadaghanan nga kun magka-edaran na gani ta nahimong mas far-sighted kita kun maghisgot kita og sala. Ang sala na lang sa uban ang atong nakita ug nakalimot kita nga kita mismo utro pud diayng salawayon. Mao kini ang nahitabo sa Pariseo ning atong ebanghelyo karon.

Kining mga Pariseo man gud mga self-righteous. Hinuon dili kita maka-blame kanila kini tungod kay mao man ang ilang namat-an og buot. Naanad sila sa pagpuyo sa kinabuhi nga estrikto. Gani kasagaran nila mga legalistic kaayo kun maghisgot na og balaod ug kadaghananan nila ang willing gyud nga mobuhat lagbas sa bisan unsang gipangayo.

Sama pananglit sa pagpuasa ang gikinahanglan ra gyud mao nga magpuasa kausa sa usa ka tuig panahon sa Yom Kippur. Apan natataw nato dinhi nga nahimong mas kanunay ang iyang pagpuasa.

Maayo man na apan diha lang gyud siya nadaut sa dihang iyang gitandi ang iyang kaugalingon ngadto sa kobrador sa buhis nga niadtong tungora anaa lamang sa suok ug dili gani halos moyahat sa langit tungod sa iyang pagkahimatngon sa iyang pagkamasalaypon. Kay lagi ubos raman kaayo ang panlantaw sa mga tawo ngadto sa mga kobrador sa buhis. HInuon dili pud kita makabasol kay ang mga kobrador sa buhis nagpabadlong man pud. Apan gitataw ni Jesus nga sa katapusan ang kobrador mao ang nakapahimuot sa Dios ug dili ang Pariseo sa kaulahian gumikan sa pagkamapaubsanon niini. Sa atong kinabuhi, dunay mga higayon nga angayan lamang ang paghilom aron patidluman ang atong kahimtang.

Ang pulong sala gikan sa Griyego nga Amartia nga nagpasabot og missing the mark ang nagpahinumdom nato nga dunay mga panahon nga kita masipyat. Apan bisan pa sa maong mga sipyat padayon kitang gihatagan og kahigayonan. Hinuon tinguhaon lang gyud nato nga dili na kita moabusar pa kay basin ugma ulahi na ang tanan.

Busa ayaw lang og ka focus sa bisan unsang dautan pocus sa bisan unsang maayo aron mamahimong malinawon ang tanan.