Wa mabutang ang pangan sa amahan sa birth certificate
Dear Atty. Divine,
Duna koy anak nga illegitimate ug hapit na ni moeskwela. Apan sa iyang birth certificate wa nabutang nga akoy amahan ug ang apelyido sa iyang inahan mao sab ang iyang apelyido nga gigamit. Gusto unta nako nga mabutang akong pangan sa iyang birth certificate ug ang akong apelyido mao sab unta ang iyang gamiton inig eskwela sa akong anak. Unsay angayan nako nga buhaton? Daghang salamat.
Johny
* * *
Dear Johny,
Aron mabutang imong name sa birth certificate sa imong anak ug ang imong apelyido mao sab ang iyang gamiton inig eskwela, mo execute ka og Affidavit of Acknowledgment with Consent to Use Surname, ang maong affidavit kinahanglan sab nga pirmado or with consent sa inahan sa imong anak, adto ka magpahimo niini sa imong abogado ug dayon inyong panotaryohan sa lawyer.
Human niini, imo kining i-submit sa Local Civil Registrar diin marehistro ang imong anak aron ilang ma-process. After ma annotate sa Birth Certificate sa imong anak ang imong Affidavit of Acknowledgment mamahimo na nga imong apelyido ang iyang gamiton inig eskwela sa imong anak. Thanks and God bless.
Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutaba pinaagi sa akong column matag Miyerkules, Sabado ug Domingo.
- Latest