Halad alang sa mga Senior Citizen

Kabahin sa pagsaulog sa Senior Citizens Month 2919, ang Office of Senior Citizens Affairs sa Buhatan sa Mayor ning dakbayan magpasiugda sa panghatag og libreng mga serbisyo sa maayong panglawas ug pagpatahom, ugma diha sa Plaza Sugbu, Oktubre 15, gikan sa alas 8:00 sa buntag hangtud alas 12:00 sa udto. Sa ato pa, tunga ra sa adlaw.

Ginganlan og Halad Alang sa Mga Senior Citizens, uban sa pagtambayayong sa Department of Social Welfare Services, sa League of Senior Citizens of Cebu City, ug sa mga departamento sa dakbayan nga ang ilang serbisyo gikinahanglan pagpalampos sa kalihokan.

Matud nila ni Jeffrey Ocampo, OSCA Executive Director ug Administrative Officer Vince Nacion, himuon na kining maong kalihokan matag Oktubre pagsaulog sa Senior Citizens Month.  Ang mga services ug partners gikan sa pribadong sector gilangkoban ning mosunod:  CCMC ug Chong Hua Hospital, medical checkup & consultation;  City Health Dept., dental checkup/consultation, free vaccination;  ERUF 1 & 2 Support teams;  Mabatid Team, Optical checkup, Free eyeglasses;  Cebu Doctors’ Hospital, Free eyeglasses;  Mercury Drugs, free massage, free medicines;  PHILHEALTH,  free Philhealth membership;  DSWS, free consultation,  social pension, Crisis intervention cash assistance; Long Life, Free medicines & vitamins.

Dept. Of Manpower Dev’t.  and Placement, Free haircut, free manicure & pedicure, Free massage, Fee make up;  Cebu City Nutrition Council, Feeding – Arroz Caldo; Generika Drugstore,free high blood pressure checkup.

Usa kini ka dakung kalihokan, apan gipaabot nga magmalampuson gumikan sa pagbulig sa nahisgutang mga departamento sa dakbayan ug sa private sector nga mga negosyante sa dakbayan.

* * *

Giingon dinhi nga sa tuig 2022, kon tulo ka tuig gikan karon, ang dakbayan sa Manila, maoy mahimo nga labing adunahan nga dakbayan sa National Capital Region (NCR), kini matud ni Mayor Isko Moreno.  Gisaligan ni Moreno mao ang desisyon sa Korte Suprema nga nagmando sa nasudnong pangagamhanan pagpa-usbaw sa gahin sa mga local government units.  Gumikan niini, iyang giawhag ang mga negosyante nga mibiya sa Manila, pagbalik na sa kaulohan ug pagbubo’g capital sa Manila. Matud niya, niining desisyon sa Korte Suprema, ang dakbayan sa Manila, makadawat og P90 bilyones, diin ang Labaw’ng Hukmanan mihukom nga ang giingon nga “just share” alang sa mga LGUs  ibasi sa tanang mga nasudnong buhis nga makolekta, ug dili sa makolekta lamang sa BIR.

Ug kini kapahimuslan na sa mga LGUs sugod sa 2022 nga national budget. “Yayaman na ang Manila,” matud ni Moreno, niya pa, dili kini damgo.

Ug, of course, dili kay ang Manila lang ang mabulahan ning maong ruling sa Supreme Court, kundili ang tanang LGUs sa tibuok nasud, nga sa pagkakaron nagsalig lang sa Internal Revenue Allotment kon IRA.

Sa niaging tuig nga report sa Commission on Audit (COA), ang Makati City, ang nabutangan sa mga dagkung negosyo sa tibuok nasud, maoy labing adunahan nga dakbayan sa nasud uban sa net worth nga P196.5 billion, nalupigan nila ang Quezon City.

Pagkakaron, ang Manila nahimutang sa ikatulong dapit sa pagkaadunahan nga siyudad sa tibuok nasud.

Kita dinhi, unsa man?