Bana di makapugos sa asawa sa pag- undang sa trabaho
Dear Atty. Divine,
Duna koy pangutana labot sa akong profession. Usa ko ka magtutudlo sud na sa lima ka tuig ug nag-teach ko sa usa ka pribadong tunghaan. Duna mi tulo ka anak ug ang akong bana usa ka OFW. Lately, nasakit ang akong kamanghuran nga anak ug ang akong bana mi-demand nga dapat nalang daw ko moundang sa pagtudlo aron maka-focus ko sa pagatiman sa mga bata. Bisan kun maayo ang intention sa akong bana apan di ko mosugot kay maayo na man lang ang akong income makatabang sa among panginahanglan ug at least dili sab ko financially dependent sa akong bana, ang akong pangutana, makapugos ba ang akong bana sa pagpaundang nako og trabaho? Daghang salamat. —Ressa
Dear Ressa,
Basi sa Article 73 sa atong Family Code, ang kapikas bukas nga maka-practice sa iyang profession nga di magkinahanglan og consent o pagtugot sa iyang bana or asawa. Kun adunay disagreement sa magtiayon kinahanglan nga modangop ang usa kanila sa korte aron maoy moresolbar sa ilang panagbangi ug tan-awon sa korte kun makaayo ba sa pamilya kun mo-practice sa profession ang gireklamo nga kapikas. Usa sa mga balido nga objection kun immoral ang trabaho nga gisudlan sa kapikas. Apan sa imo nga kaso, bukas ka maka-practice sa imong profession ug kun mosupak ang imong bana then kinahanglan nga modangop siya sa korte aron sa pagresolbar niini. Di siya mamahimong mopugos kanimo sa pagpaundang sa pagtudlo or else maka violate siya sa Anti-Violence Against Women and Their Children. Thanks and God bless. —Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest