Kun gusto kuno kang madugay-dugay ning kalibutan, swim, dance, go on racquet sports

Sa research nga gihimo sa British Journal and Sports Medicine nakita nga ang pagsalmot sa mga kalihokan sa paugnat sa kusog kon sa mga sports activities, makahata’g kini’g kaayohan sa atong panglawas, makalikay kanato gikan sa atake sa kasingkasing, ug makapataas sa atong kinabuhi. Giingon dinhi, atong kutluon: “Swimming, racquet sports and aerobics are associated with the best odds of staving death, and  in particular of reducing the risk of dying from heart disease or stroke.”

Gitin-aw dinhi nga wa kini magpasabot nga ang ubang matang sa pag-exercise sama sa jogging, football dili makahatag og benepisyo sa atong panglawas. Ang tulo maoy migula nga labing epektibo nga matang sa ehersisyo sa pagtuon basi sa mga health surveys nga gihimo sulod sa 12 ka tuig, uban sa 80,306 ka adults nga dunay 52 nga average nga panuigon. Ang mga respondents o ang mga misalmot sa survey gipangutana unsa nga matang ug unsa ka masubsob ang ilang pag-exercise sulod sa semana. Ang gihisgutan nga pag-exercise naglakip sa heavy domestic chores (kana gyung makapasingot ug makapagula sa kusog), gardening, walking, swimming, aerobics, gymnastics, dancing, running, football, badminton ug tennis.

Nakita nga sa ilang mga pagpa-follow up, sulod sa 12 ka tuig nga survey period, mas daghan ang nangamatay niadtong wala mag-exercise kay sa niadong regular nga nag-exercise. Nakita usab nga sa tulo nga matang sa pag-exercise nga atong gihisgutan sa unahan, mas minus ang mortality kaysa ubang matang nga  pag-exercise.

Kining swimming, pananglitan, maglihok gud ang tibuok natong lawas with less effort so, giisip kini nga usa sa labing epektibo nga matang nga ehersisyo.

Sa laktud, lihok gyud. Sa atong gibalikbalik dinhi, bastante na kaayo alang sa pahimsog sa lawas kon mag-active kita bisag sulod lang sa 30 minutos kada adlaw, ug pag-exercise regularly pud.

* * *

Magtambongan ka pa ba’g mga class reunions? Nakapangutana ko niini tungod kay tapus sa 50 ka tuig gikan sa among pag-graduate sa high school, nag-reunion mi, dungan kadto sa St. Alphonsus Catholic School (SACS) Day. Of course alegre kaayo, ilabi na sa iyahay namong paghandom sa among mga kabuang during our high school days.

Kasagaran namo, nangausab na ang mga nawong. Dihay pipila kanamo wa na mi makaila gumikan sa katigulangon na, although milataw gihapon ang among pagkagwapa ug pagkagwapo. Di lang ta maghisgot og tuig ni ngalan sa tawo o sa tunghaan dinhi, apan atong kutluon kining mga pamahayag sa pipila ka mga high graduates nga mo-treasure pag-ayo sa mga class reunions.

Ania: “I continue to attend reunions and homecoming because it’s there that friends continue to rediscover one another. My four years in high school were four happy years, liberating and inspiring and certainly instrumental in making me the person I am today.”

Bitaw, ang upat ka tuig nato sa high school, atong giisip nga upat ka tuig nga formative years nga pag-umol sa atong pagkatawo. Ikaw, niining atong pagka-senior citizen, motambong pa ba’g mga class reunions ug mga homecomings?