Gustong sagupon sa iyang igsuon ang iyang anak

Dear Atty. Divine:

Ang akong igsuon  way anak. Minyo siya sulod na sa napulo ka tuig sa iyang Australian nga bana. Karon gusto nila nga sagupon ang akong kamanghuran nga anak. At first, nagduhaduha ko og ang akong bana di sad mosugot. Apan gipasabot mi sa akong igsuon  sa  advantages kon ilang masagop ang  among anak ilabina sa hayag unya nga kaugmaon sa bata so nakasabot sab mi og pabor na mi nga iyang sagupon ang among anak. Unsay dapat  namong buhaton aron mahinayon ang pagsagup sa akong igsuon ngadto sa akong anak? Daghang salamat.—Linda

Dear Linda,

Adunay mga kwalipikasyon nga gilatid sa Domestic Adoption Act of 1998 alang sa mga gustong mosagop. Apil sa gilatid sa maong balaod nga ang mosagop is in the position to support and care the child. Sa ato pa, dapat financially stable ang mosagop sa bata nga makabuhi kaniya og makapa eskwela.  Kinahanglan sab ikaw nga  mo-execute og Affidavit of Consent lakip na ang  imong bana nga maoy amahan sa bata isip pagmatuod nga miuyon mo  sa adoption. Ug tungod kay Australian man ang bana sa imong igsuon kinahanglan sab siya nga mokuha og certification gikan sa iyang nasud nga mopamatuod nga duna siyay legal capacity to adopt og nga ang Pilipinas og Australia adunay diplomatic relations og ang bata tugutang makasud sa Australia kon ma grant ang adoption.  Human niini, i-file sa imong igsuon og sa iyang bana ang ilang Joint Petition for adoption ngadto sa korte. Kinahanglan nga mo stay dinhi sa Pilipinas ang imong igsuon og ang iyang bana atul sa adoption process hangtud nga kini matapos. Kon ma-grant sa court ang petition then mamahimo nang legitimate nga anak sa imong igsuon ang imong anak ug ang imong relasyon sa bata ug sa imong bana naputol na ug ang dunay katungod sa bata mao na ang imong igsuon og ang iyang bana. Thanks and God bless. —Atty. Divine

*  * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.