Huwag sa Western Mindanao

NAGING prangka si Pres. Rodrigo Duterte sa kanyang panayam sa mga panauhin ng grand opening ng Dusit Thani Hotel Davao noong isang gabi na huwag nga munang mag-invest o maglagay ng kung anong bagong pro-ject lalo na sa larangan ng turismo sa Western Mindanao.

Ito ay dahil na rin sa security and law and order issues sa nasabing region.

Hindi maipangako ng Presidente ang seguridad ng kanilang investment sa Western Mindanao.

Ayaw naman ng Presidente na bigyan ang sinuman ng “false hope” na ganun na nga -- na mapayapa ang lugar.

Maya-maya may mga problemang demarcating gaya ng walang humpay na pag-atake ng Abu Sayyaf extremist group. 

Sana dumating na rin ang panahon na makamit ang minimithing kapayapaan sa nasabing rehiyon at nang sa ganun ay dadagsa ang investments lalo na at mayaman sa kultura at tradisyon ang Western Mindanao na talagang ipagyayabang nating mga Pilipino.