Mabdos nga mga teenager

Sa niaging mga semana ang Zonta Club sa Makati nilusad sa usa ka kalihokan ginganlan og #He4She Stop Teen Pregnancy and Early Marriage Campaign. Kampanya pagpahunong sa pagka-mabdos sa mga teenager ug paglikay sa sayong kaminyuon.

Tuyo ning maong kampanya mao ang pag-edukar sa atong mga estudyante (nagpanuigon og 12 hangtud 19) sa mga responsibilidad ug unsay kadangatan sa usa ka teenager nga makighilawas na gawas sa kaminyuon (teen pre-marital sex). Matabang pa ba kaha kini sila karon?

Grabe na kaayo ang atong mga batan-on, ug ang mga modernong ginikanan karon, tolerant na kaayo ug dili na sila makabuot ni makadisiplina sa ilang mga anak.

Maoy hinungdan nga nagpatuyang na lang ang atong mga teenager karon. Lahi sa unang mga panahon nga matinumanon ug masunoran kaayo ang mga batan-on ngadto sa ilang mga ginikanan, ilabi na ngadto sa mga inahan.

Ug niadto sang mga panahona, bisa’g istrikta ug maldita ang mga inahan, apan mga buotan man kaayo, busa gitahod og maayo sa mga anak. It seems nga aduna say tulobagon ang atong mga ginikanan karon ngano nga midagsang karon ang teen pre-marital sex.

Ang Zonta International natukod niadtong 1919, global organization of executives and professionals empowering women through service and advocacy. So dili kini usa ka fan club kondili serbisyo ang katuyoan niini.

Adunay Zonta International Club sulod sa 66 ka nasud sa tibuok kalibutan, uban sa 30,000 ka sakop. Usa ka dakung international nga organisasyon nga nagpakabana sa kaugmaon sa atong mga batan-ong kababayen-an sa tibuok kalibutan, lakip na dinhi sa atong nasud. 

Ang Zonta International mihangyo sa District 17 “to focus on eliminating/preventing Child Brides due to some practices in Asia, and eliminating/decreasing the high rate of teen pregnancy due to poverty and lack of sex education in the region.”  So, ang mga paningkamot gitumong ngadto sa tinguha nga maundang ug kalikayan sa pagkahitumpawak sa mga teenager natong kababayen-an ngadto sa kadautan. Imagine kun modaghan na gyud pag-ayo ang mga pre-marital sex, unsa may mahitabo sa atong kabataan unya? Ato pa ba silang maisip nga hope of the fatherland? Suko si Rizal ini.

Gumikan niini, gibanhaw sa atong nasud ang White Ribbon Campaign (WRC) diin ang kalalaken-an giawhag pagsalmot ang pagpanginlabot sa kampanya batok niining maong kahimtang ug mga panghitabo sa atong mga batan-on. Matud ni Lorna Kapunan, ang labaw niining maong kalihokan dinhi sa nasud, atong kutluon: “The girls have had their seminars, symposia and endless warnings from family and friends. Reaching out to the boys and men will be a provocative paradigm shift. This is our advocacy project for the biennium. ZCMA’s battle cry is (therefore) “HE4SHE.”

So, niining maong kampanya buot ni Kapunan nga ilakip ang kalalaken-an sa mga kalihokan aron nga ma mas-effective ang atong mga tinguha.

“The reality of pregnancies among girls aged 15-19 is alarming especially in localities where awareness and education about reproductive health is lacking,” padayon ni Kapunan.  Matud pa, makapabalaka na kaayo kining maong kahimtang. Alarming na.

Makapangutana usab kita, nag-unsa man ang mga ginikanan niining maong mga teenager?  Ato kining padayunon sa sunod natong lindog.