Wa bayri ang utang
Dear Atty. Divine,
Ang akong mama nagpahuwam sa akong silingan og P400,000.00. Ang ilang sabot nga bayran kining maong utang sud sa unom ngadto sa 12 ka buwan. Misalig akong mama og wa gani kini niya papirmaha og dokumento nga mopamatuod nga utangan siya. Karon kay napupos na ang 12 ka buwan, wa man gyud mobayad ang silingan ni mama. Unsay angayang buhaton sa akong mama? Daghang salamat. —Jean
Dear Jean,
Mas maayong padad-an og demand letter sa imong mama ang nangutang kaniya. Kon di gihapon kini mobayad mamahimo nga iya kining pasakaan og reklamo sa barangay aron adto sila maghusay. Atol sa ila unyang pag-atubang mas maayo nga papirmahon niya kini og promissory note ang nangutang nga iyang bayran ang P400,000.00 nga iyang gihuwam by installment kun di niya kaya ang pagbayad niini og cash. Kun di gihapon siya mobayad then iya kining pasakaan og kaso sa korte for collection of sum of money apan kinahanglan gyud nga probahan sa imong mama ang utang sa iyang silingan pinaagi sa pagpresentar og mga testigo ilabi na kay wa siya’y pinirmahan. Thanks and God Bless.—Atty. Divine
* * *
Alang sa inyong pangutana, ipadala lang sa Legal Corner sa Banat News or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest