Umento sa sweldo sa mga magtutudlo

Matag karon ug unya, kahisgutan ang mga pasalig pag-usbaw sa suholan sa mga magtutudlo. Samtang ang ubang mga kawani ug opisyales sa kagamhanan, sama sa kapolisan ug kasundalohan, ug sa mga departamento sa national government nakadawat na, ang bahin sa pay increases sa mga magtutudlo kutob lang sa mga press releases. At least, pabuhi sa dugo.

Arang-arang na lang. Diay akong nasindohan nga clippings, pinetsahan June 13, 2019, atong kutluon: “President Rodrigo Duterte has assured teachers that his administration is working to raise their salaries following fresh calls for him to upgrade teachers’ pay to allow them to cope with the rising prices of goods.”

That was three years ago. Giingon nga tapus sa pag-usbaw sa mga sweldo sa kapolisan ug kasundaluhan, isunod ang pag-usbaw sa suholan sa mga magtutudlo.

Pagkakaron, ang Education Department adunay 800,000 ka empleyado lakip na sa non-teaching staff. Lagmit mao kini ang hinungdan nga medyo nalangan ang gisaad nga salary increases sa mga magtutudlo.

Aduna lay mga 160,000 ka police, ug mga 130,000 ka kasundalohan. Busa, wala kaayo magkinahanglan og daghan kaayong pagdoble sa ilang mga sweldo.Lahi ang alang sa mga magtutudlo, binilyon ka pesos ang gikinahanglan pagpa-usbaw sa ilang mga sweldo.

Ang Alliance of Concerned Teachers (ACT) namahayag nga dili lang maoy hunahunaon sa gobiyerno ang gasto pag-usbaw sa sweldo sa magtutudlo, kundili, “the government should go beyond it, it adds to human resource development, and will also boost the economy by increasing teachers’ purchasing capacity.

Correct ka dyan, Joselyn Martinez, ang National Chairperson sa ACT.

Dugay nang nagmulo ang mga magtutudlo sa kagamay sa  ilang mga sweldo, dili na paigo pagtubag sa nagsaka nga mga galastuhan.

Laing pundok sa mga magtutudlo, ang Teacher’s Dignity Coalition nangayo og P10,000 across-the-board nga monthly pay hike, samtang ang ACT, nangayo og “P30,000 salary for Teacher 1, P31,000 for Instructor 1, and P16,000 pay for salary grade 1 government employees.

Whatever, kun mahatag ang ilang gipangayo, makaginhawa’g luag ang mga magtutudlo, lakip na sa administrative staff sa akong tan-aw, nagpadayon pa ang mga economic managers ni Duterte pagpangita’g tinubdan sa gikinahanglang pundo.

Matud ni Presidential Spokesman Salvador Panelo, ang total nga kantidad pag-usbaw by P10,000 sa suholan sa mga magtutudlo, mokabat og P150 billion. Asa man ta mamunit niini?

Apan, alang sa ACT, ang suliran dili ang kadaku sa pundo, kondili ang paghatag og priority ngadto sa mga panginahanglan sa DepEd. Aduna kitay igong salapi, matud p a.

Si Martinez nagkanayon: “The problem isn’t the lack of funding, but really the government’s priorities. The P3.757-trillion 2019 spending program can attest to the huge resources we have and, just the same, to that the administration values. Unfortunately, education suffered significant budget cuts.

Busa, ang gikinahanglan dinhi mao ang understanding, ang pagsabot sa mga magtutudlo. Wa man na sila i-discriminate.

Giingon dinhi, ang “Build, Build, Build” project, ang massive infrastructure program sa kagamhanan gipaabot nga maka-spur economic growth sa nasud. Nakakita na ba kaha sila’g tinubdan sa pundo alang sa salary increase sa mga magtutudlo?